Lajme

29 raste pozitive me COVID-19 në Kosovë


Ilustrim.

Ministria e Shëndetësisë (MSH) ka raportuar se brenda 24 orëve, janë regjistruar 29 raste pozitiv me COVID-19.

Numri i të infektuarve vjen nga 280 mostra të marra nga Shërbimi Spitalor dhe Klinik Universitar i Kosovës.

Sipas Ministrisë së Shëndetësisë, gjatë 24 orëve të fundit janë shëruar 15 persona.

Raste aktive me COVID-19, janë gjithsejtë 168.

Brenda 24 orëve të fundit, në Kosovë janë vaksinuar 37 persona.

Të dhënat e ministrisë së Shëndetësisë.

Numri i personave të vaksinuar me dozën e parë arrin në 903 mijë e 368, kurse numri i të vaksinuarve me të dy dozat është 823 mijë e 629.

Ministri i Shëndetësisë, Rifat Latifi ishte shprehur i shqetësuar lidhur me rritjen e rasteve me COVID-19 kohëve të fundit në vendit tonë.

Derisa u bëri thirrje qytetarëve që të vaksinohen, ai paralajmëroi se shumë shpejt në vendin tonë do të nis edhe vaksinimi anti-COVID me dozën e katërt.

Latifi po ashtu bëri të ditur se për Komiteti do të takohen për të diskutuar për masat që duhet ndërmarrë.

/Albanianpost.com


Lajmet kryesore