28 nëntori sjellë fat për Dinamon dhe Kukësin

Është mbyllur me dy ndeshjet e ditës së sotme edhe java e dhjetë në Abissnet Kategoria Superiore.

Në Tiranë, Dinamo priste Kastriotin, derisa Kukësi ishte vendase e Egnatia-s.

Të dy skuadrat vendase dolën edhe triumfuese të këtyre takimeve.

Dinamo e dominoi të gjithë takimin, dhe rezultati nuk ishte pasqyrë reale se si shkoi takimi.

Fati e përcolli Dinamon në pjesën e dytë, që pas gjithë dominimit e gjeti edhe golin që do të ishte i mjaftueshëm për tre pikë.

Hero i skuadrës legjendare shqiptare, ishte Agim Ibraimi, që në minutën e 66-të shënoi golin vendimtar.

Me këtë fitore, Dinamo ngjitet në vendin e pestë me 13 pikë, aq sa ka edhe Teuta kampione.

Kastrioti mbetet e fundit, me vetëm pesë pikë.

Kukësi në anën tjetër arriti fitore të pastër 2-0 përballë Egnatias.

Veriorët, njëjtë sikur Dinamo, e dominuan takimin, por ata e mbyllën më lehtë në pjesën e dytë, pasi e para u mbyll pa gola.

Ishte kroati Edi Basa ai që përsëri gjeti rrugën e rrjetës.

Në minutën e 53-të, Basa gjeti golin e gjashtë sezonal duke e dërguar Kukësin në avantazh 1-0.

Pak para se të mbyllej ndeshja, Kukësi shënoi edhe golin e dytë, me autor Milunovic.

Kukësi tani i afrohet vetëm një pikë Tiranës në krye, kurse Egnatia mbetet në vendin e tetë.

Tabela e Superiores pas dhjetë javësh, duket kështu:

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.