![](https://albanianpost.com/wp-content/uploads/2023/12/gjykata-2.jpg)
Naim Smajli, është dënuar me 25 vjet burgim për vrasjen e djalit të tij E.S.
Vendimi është marrë të premten nga Gjykata Themelore në Prishtinë, i njëjti akuzohet se në vitin 2022 në fshatin Bajçinë të Podujevës, e vrau atë për çështje pronësore.
Nga gjykata u tha se Smajli u dënua më 24 vjet burgim, kurse për armëmbajtje pa leje me dy vjet burgim.
Të njëjtit është thënë se do t’i llogaritet edhe koha e kaluar në paraburgim.
Po ashtu, atij do t’i vazhdohet masa e paraburgimit deri në plotfuqishmëri të këtij aktgjykimi.
Teksa, është i obliguar t’i paguajë edhe shpenzimet e procedurës dhe atë 200 euro për paushallin gjyqësor dhe 50 euro për kompensimin e viktimave të krimit.
Aktgjykimi u shpall në mungesë të të akuzuarit Smajli.
Sipas aktakuzës së ngritur nga Prokuroria Themelore në Prishtinë më 22 dhjetor 2022, Naim Smajli rreth orës 17:00 në fshatin Bajçinë në Podujevës për shkak të mosmarrëveshjeve pronësore, me dashje e ka privuar nga jeta djalin e tij tani të ndjerin E.S.
Sipas aktakuzës, a akuzuari në një distancë të afërt ka shtënë në drejtim të djalit të tij tani të ndjerit E.S.
Vepra për të cilët ai po akuzohet nga Prokuroria është “Vrasje e rëndë”.
Sipas aktakuzës, Naim Smajli nga data e pacaktuar e deri më 13 qershor 2022, ka mbajtur në e armën e llojit “pushkë automatike” në kundërshtim me ligjin, një mjet shpërthyes, granatë dore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Deputetët e VV-së bllokojnë komisionin parlamentar për llogari të Selajdin Beqës, njeriu me aktakuzë që rrahu kolegun në zyrë
-
Ndryshimet në Kodin Zgjedhor, Bardhi: Zbatim i vendimeve të Gjykatës Kushtetuese
-
Prokurorët hapin hetim pasi rrjeti hekurudhor francez u godit nga zjarrvëniet
-
6 vjet pa Adem Demaçin