Kosova

18 vjet nga vdekja e Ibrahim Rugovës


Ibrahim Rugova

Këtë 21 janar janë bërë 18 vjet që kur Ibrahim Rugova, udhëheqës i Lidhjes Demokratike të Kosovës, president i Kosovës dhe një nga figurat më të rëndësishme politike të fundshekullit 20, vdiq në Prishtinë.

Rugova, që njihet gjerësisht si politikani që e ndërkombëtarizojë çështjen e Kosovës dhe e konkretizojë kërkesën për pavarësinë nga Jugosllavia e më pas nga Serbia, ishte president i Republikës së Kosovës të njohur pjesërisht nga viti 1992 deri në vitin 2000 dhe më pas President i Kosovës nga viti 2002 deri në vitin 2006, kur edhe vdiq.

Rugova, bashkë me intelektualë të tjerë, themeloi LDK-në në dhjetor të vitit 1989. Mbështetja për LDK-në, deri pas luftës në Kosovë, ishte mbi 90 për qind në mes shqiptarëve të Kosovës.

Ai u shqua për arritjen e qëllimeve me mjete paqësore, çka e kishte shndërruar në figurë interesante për komunitetin ndërkombëtar ku edhe gjeti pranim si asnjë lider tjetër i më hershëm shqiptar.

Për nder të 18 vjetorit të vdekjes së Rugovës, LDK ka organizuar vizitë te familja e Rugovës në orën 9:30, derisa në orën 11:00 do të ketë një promovim të librit “Pushteti dhe intelektualët” të botuar nga Fondacioni “Ibrahim Rugova”.

Paraprakisht, liderët aktualë të LDK-së kanë bërë homazhe te varri i Rugovës.

LDK ka organizuar edhe aktivitet të tjera për ta shënuar këtë 18 vjetor.

Në 18 vjetorin e vdekjes, Rugova është kujtuar edhe nga Kryeministri i Shqipërisë, Edi Rama.

Nën sloganin “Liria ka Emër”, Rugova ka shkruar për Rugovën dhe arsyet që veçse shtohen për ta çmuar figurën e tij.

“18 vjet pa Ibrahim Rugovën mes nesh, po edhe 18 arsye më shumë për t’u përulur me nderim përpara këtij monumenti të kujtesës sonë kombëtare”, shkruan Rama në rrjetet sociale.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore