100 klubet sportive më të vlefshme: Dominon SHBA, United ‘mbreti’ i futbollit

Cilan janë 100 klubet sportive më të vlefshme në botë? Kësaj pyetje i ka dhënë përgjigje një raport i fundit nga “Sportico”, i cili ka marrë në konsideratë ligat e ndryshme duke filluar nga futbolli amerikan, basketbolli, bejsbolli, hokej, Formula 1, apo dhe futbolli global.

Për të marrë vlerën e tregut të klubeve sportive, u llogaritën të ardhurat e tyre (sezoni 2022-23, ndërsa për futbollin sezoni 2021-22), shuma e vlerës së tregut të ekskluzivitetit të kombinuar me vlerën e aktiviteteve të lidhura për klubet dhe pasuritë e paluajtshme.

Klubet amerikane, në sporte të ndryshme, kanë rrëmbyer 18 nga 20 vendet e para në renditje. Kryesimin e mban Dallas Cowboys në NFL me 8.5 miliardë euro. Pas tyre vijnë Golden State Warriors të NBA-së me 7.6 miliardë euro. Podiumi mbyllet me New York Knicks, po të NBA-së, me 6.8 miliardë euro.

Për të gjetur një klub futbolli evropian në renditje duhet të shikojmë vendin e 13 aty ku gjendet Manchester United. “Djajtë e Kuq” janë klubi më i vlefshëm në futbollin evropian dhe atë botëror me një shifër prej 5.5 miliardë euro.

Real Madrid-i është klubi i dytë më i vlefshëm në futboll. Gjigandët e La Liga-s vlerësohen me 4.83 miliardë euro dhe renditen në vendin e 19.

Bayern Munich është klubi më i vlefshëm gjerman dhe renditet në vendin e 34 me 4.1 miliardë euro. Franca përfaqësohet nga PSG, me klubin parisien në vendin e 60 dhe me vlerë 3.1 miliardë euro.

Italia përfaqësohet me dy klube në top 100-shen e “Sportico”-s. Ferrari në Formula 1 është më i vlefshmi duke kapur vendin e 71 dhe me vlerë 2.8 miliardë euro. Juventus-i, një tjetër kompani në pronësi të familjeve Agnelli-Elkann, ashtu si Ferrari, gjendet në vendin e 98 me 1.6 miliardë euro.

Klubet sportive që vlejnë më shumë – 20 më të mirët:

1.Dallas Cowboys – 8.5 miliardë euro

2.Golden State Warriors – 7.6 miliardë

3.New York Knicks – 6.8 miliardë

4.Los Angeles Lakers – 6.7 miliardë

5.New York Yankees – 6.6 miliardë

6.New York Giants – 6.5 miliardë

7.Los Angeles Rams – 6.4 miliardë

8.New England Patriots – 6.1 miliardë

9.San Francisco 49ers – 5.7 miliardë

10.New York Jets – 5.6 miliardë

11.Washington Commanders – 5.56 miliardë

12.Chicago Bears – 5.55 miliardë

13.Manchester United – 5.5 miliardë

14.Philadelphia Eagles – 5.5 miliardë

15.Las Vegas Raiders – 5.3 miliardë

16.Houston Texans – 4.9 miliardë

17.Los Angeles Dodgers – 4.84 miliardë

18.Miami Dolphins – 4.84 miliardë

19.Real Madrid – 4.83 miliardë

20.Boston Red Sox – 4.82 miliardë

Klubet e futbollit që vlejnë më shumë:

13.Manchester United – 5.5 miliardë euro

19.Real Madrid – 4.83 miliardë

23.Barcelona – 4.5 miliardë

29.Liverpool – 4.3 miliardë

34.Bayern Munich – 4.1 miliardë

35.Manchester City – 4 miliardë

57.Arsenal – 3.3 miliardë

58.Chelsea – 3.2 miliardë

60.PSG – 3.1 miliardë

70.Tottenham – 2.9 miliardë

98.Juventus – 1.6 miliardë

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.