10 vendet me të frikshme në botë

Ne jetojmë në një botë të madhe e të bukur, por planeti ynë sigurisht që përbëhet edhe nga vende interesante, misterioze dhe të frikshme.

Albanian Post ju prezanton me dhjetë vendet ndër më të frikshmet në botë.

1. Kodra e Kryqeve, Šiauliai, Lituani

 

Njerëzit kanë vendosur kryqe në këtë kodër në Lituaninë Veriore që nga shekulli i 14-të.

Në shenjë dashamirësie, gjatë gjithë periudhës mesjetare, kryqet shprehën dëshirën për pavarësinë e Lituanisë.

Kodra u bë një vend me synim shkatërrimi i okupimit Sovjetik që nga viti 1944 deri në vitin 1991. Ndërsa, kryqet e kodrës u bllokuan nga Sovjetikët gjithsej tre herë, por vendasit vazhduan ta rindërtonin atë.

Tani ka më shumë se 100,000 kryqe në kodër, të cilat kur frynë era i përplas njëra për tjetrës, duke prodhuar tinguj të frikshëm.

2. Ishulli i kukullave, Xochimilco, Meksikë

Pavarësisht historisë dhe statusit të saj si një vend i Trashëgimisë Botërore të Unesco-s, Xochimilco është i njohur kryesisht si Isla de las Munecas apo “Ishulli i Kukullave”.

Ishulli i vogël është i famshëm për qindra kukulla dhe pjesë të tyre të varura në pemë e të shpërndara nëpër bari.

Me një pamje epike si në filmat e zhanrit “Horror”, ishulli është i bazuar në një histori mitologjike.

Flitet se ,dikur ishte vendbanimi i vërtetë i një burri tani të vdekur, të quajtur Julian Santa Barrera. I cili pasi gjeti trupin e një vajze të vdekur në një kanal aty pranë, mblodhi dhe shfaqi kukullat me shpresën për të larguar shpirtrat e këqij.

3. Spitali Beelitz-Heilstätten, Gjermani

Mes viteve 1898 dhe 1930, kompleksi Beelitz-Heilstätten shërbeu si një vend (sanatorium) ku trajtohej sëmundja e tuberkulozit.

Brenda tij gjendeshin gjithashtu viktima të gazit të mustardës dhe automatikëve gjatë Luftës së Parë
Botërore, përfshirë një ushtar të ri me emrin Adolf Hitler, i cili ishte plagosur në këmbë.

Spitali më vonë vazhdoi të ishte një qendër kryesore e trajtimit për ushtarët nazistë gjatë Luftës së Dytë Botërore dhe u përdor si një spital ushtarak Sovjetik nga 1945 deri në rënien e Murit të Berlinit.

Sot, disa pavijone të spitalit përdoren si një qendër rehabilitimi neurologjike, por shumica e kompleksit është e braktisur.

Repartet e kirurgjisë dhe psikiatrisë janë lënë të prishen dhe t’i lënë vendin natyrës së frikshme.

4. Krishti i humnerës, San Fruttuoso, Itali

Ka disa versione të së njëjtës statujë të Jezusit të shpërndarë përreth oqeaneve, por versioni origjinal ndodhet në Detin Mesdhe pranë brigjeve të San Fruttuoso-s.

Statuja prej tetë metra e gjatë ishte porositur nga zhytësi italian Duilio Marcante në vitin 1954.

Marcante donte të vendoste një lloj memoriali në vendin e saktë ku vdiq shoku i tij Dario Gonzatti ndërsa zhytej disa vjet më parë, dhe kështu, lindi Krishti i humnerës.

Rezultati është i frikshëm veçanërisht kur kemi parasysh krahët e zgjatur të hyjnisë dhe shikimin lart.

Statuja u zhvendos nga vendi i saj në vitin 2003 për disa restaurime të nevojshme (përfshirë zëvendësimin e një dore që një anije “mashtruese” e kishte thyer).

Gjithsesi, nëse i afroheni këtij destinacioni , ia vlen të bëni një zhytje 55 metërshe për të shkrepur një selfie nënujore me Jezusin.

5. Dera për në Ferr, Derëeze, Turkmenistan

E vendosur në mes të Shkretëtirës Karakum në Turkmenistan, “Dera për në Ferr”, një emër që vendasit i dhanë një krateri të gjerë jo më pak se 230 metra dhe i cili thjesht nuk do të ndalet kurrë së djeguri.

Kur shkencëtarët sovjetikë filluan kërkimet për naftë përsëri në vitin 1971, ata aksidentalisht goditën një rezervë metani dhe platforma e shpimit u shemb, duke formuar kraterin dhe duke lëshuar gaz të rrezikshëm në ajër.

Shkencëtarët vendosën të ndiznin kraterin në zjarr për të djegur metanin, duke krijuar një anomali të “Dante-esque” që ka mbetur e ndezur edhe 40 vitet e fundit.

6. Kopshti i Skulpturave Veijo Rönkkönen, Parikkala, Finlandë

 

Veijo Rönkkönen ishte një nga artistët më të njohur bashkëkohorë e popullorë në Finlandë, por ai ishte gjithashtu një i vetmuar, duke refuzuar të shfaqte veprat e tij në hapësirat publike.

Në vend të kësaj, ai ndërtoi koleksionin e tij prej gati 500 figurash betoni në oborrin e tij, duke formuar kopshtin e tij personal të skulpturave.

Shfaqja më e madhe në terren është një grup prej rreth 200 statujash të rregulluara në një shumëllojshmëri të pozave të “yogas”.
Koleksioni i Rönkkönen përmban një sërë statujash rrëqethëse individuale, nisur nga një murgeshë që qëndron prapa shkurreve te një njeriu të veshur me krahë të gjatë e të shtrirë dhe me dhëmbë të vërtetë njeriu qe padyshim do t’iu lejnë pa gjumë.

7. Osleri Sedlec, Kutná Hora, Republika Çeke

 

Kjo kishë e vogël e vendosur nën Kishën e Varrezave të të gjithë Shenjtorëve, është e njohur në të gjithë botën për dekorin e saj të stilit makabër.

Në fillim të viteve 1300, një abat i Manastirit Sedlec solli përsëri dheun e shenjtë nga Jeruzalemi dhe e shpërndau atë nëpër varrezat e kishës, dhe papritmas të gjithë donin të varroseshin në atë tokë të shenjtë.

Por, mbipopullimi nisi dhe trupat e vjetër duheshin gërmuar për të lënë vend për kufoma të freskëta.

Kështu që një gdhendës lokal Çek me emrin František Rint mori detyrën e frikshme për të rregulluar mbledhjen e më shumë se 40,000 mbetjeve mortore të cilat më pas i ekspozoi në këtë kishë.

Gjëja më mahnitëse apo interesante është llambadari masiv i kishës, i cili në vete përmban pothuajse çdo kockë që gjendet në trupin e njeriut.

8. Ishulli i Gjarpërit, São Paulo, Brazil

 

I ndodhur rreth 90 milje larg brigjeve të Sao Paulo-s, Ilha de Queimada Grande (i njohur gjithashtu si ishulli i gjarprit) është një nga ishujt më të rrezikshëm në të gjithë botën.

Ishulli është i famshëm për numrin e lartë të nepërkave. Disa studime raportojnë se brenda tij gjenden mesatarisht nga një deri në pesë gjarpërinj për metër katror.

Gjithçka filloi kur nivelet e detit u rritën rreth 11,000 vjet më parë dhe ndanë Ishullin e Gjarprit nga Brazili. Gjarpërinjtë e sapo izoluar u shumëfishuan në masë dhe i dhanë ishullit një pamje të frikshme me praninë e tyre.

Për këtë vend mund të mësoni vetëm nga disa fotografi apo ndonjë video material për eksplorim natyre, në të kundërtën është e pamundur ta shihni nga afër sepse qeveria braziliane e ndalon vizitën e publikut në këtë ishull.

9. Vullkani Kawah Ijen, Java, Indonezi

Ky vend është sa i tmerrshëm aq dhe spektakular.

Maja e Java-s ka sasi jo normale të gazrave sulfurikë që arrijnë temperatura prej më shumë se 1.000° F dhe digjen ndërsa ato depërtojnë nëpër çarje dhe vijnë në kontakt me ajrin.

Gazrat nganjëherë kondensohen në squfur të lëngshëm, i cili më pas merr një hije blu dhe rrjedh poshtë vullkanit si lavë.

Ndërsa dritat e bukura mund të shihen vetëm në errësirë, squfuri i Kawah Ijen digjet gjatë gjithë kohës. Si rezultat, ajri përreth është i mbushur me dioksid squfuri, dhe liqeni i kraterit ngjitur është bërë i gjelbër nga ngopja e acidit klorhidrik.

10. Arkivolët e varur, Sagada, Filipine

Njerëzit e këtij rajoni janë të njohur për varrosjen e të vdekurve të tyre në arkivole të ngjitur në anët e shkëmbinjve, si një prerje ajrore e varrezave mesatare.

Shumë prej arkivoleve buzë shkëmbit janë qindra vjet të vjetra dhe të gjithë duken krejtësisht të ndryshëm.

Ky është një vend që seriozisht luan me imagjinatën tuaj.

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com