Futbollisti shqiptar, Visar Musliu, është transferuar te skuadra gjermane Ingolstadt, e cila bënë pjesë në Bundesligën e dytë të Gjermanisë.
Lajmin e ka bërë të ditur klubi i Ingolstadt, të cilët konfirmuan se kanë nënshkruar kontratë me mbrojtësin e përfaqësueses së Maqedonisë së Veriut.
Musliu i cili ka 40 paraqitje me kombëtaren maqedonase, u transferua nga skuadra hungareze, MOL Fehervar, mirëpo shuma e transferimit të tij nuk është bërë e ditur.
Për transferimin në kategorinë e dytë të futbollit gjerman është shprehur i lumtur Musliu, për të cilin kjo lëvizje është e veçantë.
Servus, Visar #Musliu! ⚫️🔴
40-facher Nationalspieler Nordmazedoniens, EM-Teilnehmer – und jetzt #Schanzer! Der Innenverteidiger wechselt vom ungarischen Erstligisten MOL Fehérvár FC an die Donau. Zur Meldung: https://t.co/6w65VP9XMs pic.twitter.com/3hMfHv9jvE— FC Ingolstadt 04 (@Schanzer) January 19, 2022
“Jam i lumtur që u transferova për Ingolstadt-in. Është diçka e veçantë të luaj në Gjermani”, deklaroi Musliu.
“Mezi pres të njoh skuadrën dhe dua të jap gjithçka në mënyrë që së bashku të përballojmë sfidat e radhës në mënyrën më të mirë”, shtoi Visar Musliu.
Musliu e filloi karrierën e tij profesionale te skuadra maqedonase, KF Renova, derisa ai ka luajtur në klube të ndryshme si Prishtina, Vardari, Shkëndija dhe St. Gallen në Zvicër.
Vlera e mbrojtësit 27 vjeçar, sipas “transfermarkt” llogaritet të jetë 1 milion euro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com