![](https://albanianpost.com/wp-content/uploads/2022/07/59541591_303.jpg)
Sebastien Haller është zyrtarisht transferimi më i ri i Borussia Dortmund-it.
Gjermanët njoftuan vetë për transferimin e Haller, për të cilin shpenzuan 28 milionë euro në arkat e klubit të Ajax-it.
Sulmuesi nga Bregu i Fildishtë ka nënshkruar kontratë katër-vjeçare me gjermanët.
Ndryshe, Haller shkëlqeu gjatë edicioni të kaluar me fanellën e Ajax-it, i cili shënoi 34 gola dhe dhuroi nëntë asistime në 42 ndeshje në të gjithat garat.
𝗛𝗮𝗹𝗹𝗲𝗿'𝘀 in the building ✔️ pic.twitter.com/g7hyNnlkR4
— Borussia Dortmund (@BlackYellow) July 6, 2022
Ai gjithashtu ishte golashënuesi i dytë më i mirë në Ligën e Kampionëve, duke realizuar 11 sosh.
Pra, një zëvendësues i denjë i Haaland-it nga gjermanët, i cili pritet të shkëlqejë me fanellën verdhezi.
Kujtojmë që Haller është pjesë e Ajax-it që nga janari i vitit 2021, kur u transferua nga Ëest Ham United për shumën e 21 milionë eurove.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com