Dritat e famshme të Las Vegasit do të ofrojnë sfondin e garës më të re të Formula 1, kur qyteti amerikan do të presë një ngjarje të tillë nga viti 2023.
Las Vegasi priti një garë të Formula 1 në vitin 1981 dhe 1982, por kjo do të jetë hera e parë që makinat do të garojnë natën nëpër rrugët e qytetit, në qarkun që kalon nëpër hotele dhe kazino të famshme.
Nga kjo marrëveshje Formula 1 do të përfitojë 1.2 miliard euro, me një kohëzgjatje 10 vjeçare.
Pas muajsh bisedimesh, shefi ekzekutiv i F1, Stefano Domenicali fluturoi nga Londra për në Sin City për ta zyrtarizuar lajmin se Las Vegas Grand Prix do t’i shtohet kalendarit vitin tjetër.
“Është një moment i jashtëzakonshëm për Formulën 1, që tregon se si ky sport po bëhet gjithnjë e më tërheqës, pasi në ShBA shkon në tre numri i garave sezonale”.
“Las Vegas është i njohur në të gjithë botën për mikrpitjen dhe emocionet që dhuron, ndaj mezi e presim këtë garë”, deklaroi CEO i Formulës 1, Stefano Domenicali.
Gara do të jetë me 50 xhiro dhe do të mbahet të shtunën në njërën nga dy fundjavat e fundit të nëntorit, me gjasë në orën 22:00 të kohës lokale në Las Vegas, i cili po e përgatit një projekt gjigant për ta pritur këtë garë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
