Shqipëria

Zvicra heq Shqipërinë nga lista e vendeve me rrezikshmëri të lartë infektimi


Ministria për Evropën dhe Punët e Jashtme njoftoi se Shqipëria është hequr nga lista e vendeve me rrezikshmëri të lartë infektimi nga COVID-19, nga autoritetet zvicerane.

Nga data 8 prill, shqiptarët që do të udhëtojnë drejt Zvicrës nuk do të kenë më detyrim karantinimi në momentin e mbërritjes.

Të gjithë udhëtarët që do të udhëtojnë nga Shqipëria në rrugë ajrore në drejtim të Zvicrës do të duhet të plotësojnë një formular digjital me të dhëna dhe të paraqesin rezultatin negativ të testit PCR të kryer jo më herët se 72 orë para udhëtimit.

Qytetarët që do të udhëtojnë në rrugë tokësore duke përdorur mjetet e transportit publik do të duhet të plotësojnë vetëm formularin digjital, duke pasur detyrimin e paraqitjes së testit negativ PCR kundër COVID-19.

Njoftohet se shtetasit që do të udhëtojnë me automjete private në rrugë tokësore nuk kanë detyrim të paraqesin asnjë nga dokumentet e mësipërme.

Albanianpost.com


Lajmet kryesore