![](https://albanianpost.com/wp-content/uploads/2023/09/Screenshot-2023-09-13-145800.png)
Të paktën 56 persona kanë humbur jetën nga zjarri në një bllok apartamentesh në kryeqytetin e Vietnamit, Hanoi.
Lajmi u bë i ditur nga media shtetërore e Vietnamit, duke zbuluar se mes viktimave ka edhe fëmijë.
Zjarri shpërtheu gjatë natës në një ndërtesë nëntë-katëshe, ku banojnë rreth 150 banorë, sipas Agjencisë zyrtare të Lajmeve të Vietnamit (VNA), e cila tha se zjarri u kontrollua në orën 2 të mëngjesit (19:00 GMT).
I kontaktuar nga agjencia “Reuters”, një oficer i policisë së Hanoi tha se numri i viktimave ende nuk është finalizuar dhe nuk pranoi të japë detaje.
Imazhet televizive treguan zjarrfikës të pajisur me zorrë dhe shkallë në vendngjarje gjatë natës, ndërsa një shtëllungë tymi i trashë dhe i errët dilte nga ndërtesa ditën.
Policia vietnameze tha se po hetohet se çfarë e shkaktoi zjarrin.
Disa nga viktimat u shtruan në spitalet lokale me lëndime të shumta pasi u hodhën nga dritaret e tyre për t’i shpëtuar zjarrit, tha media shtetërore.
Kryeministri Pham Minh Chinh, vizitoi vendin e zjarrit të mërkurën dhe bëri thirrje për plotësimin e rregulloreve kundër zjarrit në ndërtesat e vogla të banimit dhe në zonat e banuara me popullsi të dendur, sipas një deklarate të qeverisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist