Sport

Ziyech pranë huazimit te Milan-i


Hakim Ziyech kërkon të ndryshojë ambient. Marokeni dëshiron të largohet nga Chelsea dhe Milan-i është gati të përfitojë nga situata.

Sipas mediave britanike ka një akord në parim për kalimin e anësorit në “San Siro”. Ai pritet të mbërrijë në huazim, teksa kuqezinjtë do mbulojnë një pjesë të pagës së tij.

Chelsea është pranë mbylljes së marrëveshjes me Raheem Sterling dhe Ziyech është i “tepërt” me mbërritjen e anglezit.

Sipas gazetarit sportiv, Fabrizio Romano, Milan-i ka qenë në kontakte të vazhdueshme me marokenin që nga java e kaluar.

Sezonin e fundit, Ziyech u paraqit në 44 ndeshje në të gjitha garat me blutë, ku realizoi tetë gola dhe gjashtë asiste.

Milan-i gjithashtu ka gati dhe dy alternativat nëse pista Ziyech nuk shkon sipas planit, Marco Asensio dhe Domenico Berardi.

/Albanianpost.com

Lajmet kryesore