![](https://albanianpost.com/wp-content/uploads/2021/09/armend-zemaj.jpg)
Ish ministri i Shëndetësisë, Armend Zemaj, ka deklaruar se masat të cilat janë ndërmarrë nga Qeveria e Kosovës nuk e kanë parandaluar rritjen e rasteve me COVID-19.
Sipas tij, masat anti-COVID të cilat po vazhdojnë të jenë në fuqi janë banale.
“Masat e kanë humbur kuptimin në mos menaxhimin e kësaj situate. Masat që janë ndërmarrë kanë qenë konfrontim me njëra tjetrën dhe nuk e kanë parandaluar rritjen e infeksionit po as të rasteve të vdekjes”.
“Tashmë është banalizuar ora policore thuajse është harruar që ka shtatë deri tetë muaj që nuk e dinë as ministri dhe qeveria se kush e ka propozuar”, ka thënë Zemaj për EO.
Ai ka kërkuar që të ketë angazhim serioz nga qeveria dhe Ministria e Shëndetësisë për ta marrë dozën përforcuese.
“Interesimi duhet të shtohet. Kërkesa që doza përforcuese të merret duhet të jetë një angazhim më serioz i qeverisë dhe ministrisë së shëndetësisë. Të ketë një lloj marketing pozitiv që qytetarët të mbrohen nga virusi. Nëse ka menaxhim të mirë edhe variantet e reja mund ti kontrollojmë lehtësisht duke mos e mbyllur ekonominë, duke hapur gastronominë”.
![](https://albanianpost.com/wp-content/uploads/2021/08/kosove-ora-policore.jpg)
Më 22 shkurt, Instituti Kombëtar i Shëndetit Publik në Kosovë (IKSHPK), ka raportuar se brenda 24 orëve, ka humbur jetën një person dhe janë regjistruar 158 raste të reja me COVID-19.
Numri i të infektuarve vjen nga 1 mijë e 626 mostra të marra nga Shërbimi Spitalor dhe Klinik Universitar i Kosovës.
Sipas Ministrisë së Shëndetësisë, gjatë 24 orëve të fundit janë shëruar gjithsejtë 644 persona.
Raste aktive me COVID-19, janë gjithsejtë 3 mijë e 396.
Brenda 24 orëve të fundit, në Kosovë janë vaksinuar gjithsej një mijë e 1 mijë e 211 persona.
Ndërkaq, 898 mijë e 435 persona janë vaksinuar me dozën e parë, teksa numri i të vaksinuarve me të dy dozat ka arritur në 813 mijë e 734.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konjufca: Afrim Bunjaku e Enver Zymberi ranë në krye të detyrës, po mbronin atdheun nga Serbia
-
Aivo Orav emërohet ambasador i ri i BE-së në Kosovë
-
Peci: Ndihem i rrezikuar, Policia ka refuzuar kërkesën për mbrojtje vetëm pse i përkas një partie tjetër
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”
Lajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Gjiknuri për ndryshimet në Kodin Zgjedhor: Në 5 qarqe, votim dhe numërim elektronik
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”