Presidenti ukrainas, Volodymyr Zelensky, akuzoi Brazilin dhe Kinën se kanë formuluar një propozim paqeje pas konsultimit me Rusinë, por pa e diskutuar atë me Ukrainën.
“Ne nuk jemi budallenj”, tha ai në një intervistë me faqen braziliane të lajmeve Metrópoles.
“Për çfarë është ky teatër? Ju folët me Rusinë dhe thatë se ky është propozimi ynë, por nuk na pyetët asgjë. Dhe Rusia vjen dhe thotë se mbështet propozimin e Brazilit dhe Kinës. Kjo është mungesë respekti për Ukrainën” shtoi ai.
Duke kujtuar, pra, se Brazili integron Statutin e Romës dhe do të presë samitin e G20-s këtë vit, Zelensky pyeti “si mund të paraqitet Putin pa u arrestuar”. ”
“A do të ulen vendet e G20 në tryezë me dikë që duhet të arrestohet?” pyeti presidenti i Ukrainës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
