Zelanda e Re harton planet për turizmin

Ministri i Turizmit i Zelandës së Re, thotë se vendet e mbipopulluara të tilla si Milford Sound-Piopiotahi nuk mund të kthehen në gjendjen para-Covid.

Ministri Stuart Nash, përshkroi të martën planet për turizmin për një botë post-Covid. Planifikimi bëhet për të pasur më pak vizitorë ndërkombëtarë dhe përpjekja për të bërë diferencën me ekonomitë e qyteteve të varura nga turizmi.

Disa nga atraksionet më të njohura natyrore të vendit, të tilla si siti i trashëgimisë botërore të Unesco-s, Milford Sound-Piopiotahi, do të transformohen për të marrë më pak vizitorë. Shpatet dramatike, ujërat e qetë dhe vulat gëzofore të Milford Sound-Piopiotahi kanë tërhequr miliona vizitorë.

Turizmi është një pjesë kryesore e ekonomisë së Zelandës së Re.

Sipas Aotearoa Industry, ajo është industria më e madhe e eksportit të vendit, që përbën rreth 20% të eksporteve totale. Shpenzimet e turizmit përbëjnë një pjesë të madhe të ekonomisë së përgjithshme të vendit, duke zënë më shumë se 5% të PBB-së dhe duke punësuar direkt ose indirekt 13.6% të fuqisë punëtore kombëtare.

Zelanda e Re ka qenë e  mbyllur për të gjithë turistët ndërkombëtarë gjatë vitit për shkak të Covidit.

Plani i qeverisë është një paketë200 milionë dollarëshe, më shumë se gjysma e të cilave do të shkojnë në qytete të ishullit të Jugut që goditen rëndë nga mbyllja e kufirit.

Gjithashtu planifikohet mbështetja e disa bizneseve për t’u rihapur kur vizitorët kthehen. Pjesë të mëdha të fondeve do t’i kushtohen ndihmës së bizneseve dhe komuniteteve për të thyer varësinë e tyre nga turistët ndërkombëtarë.

Për të lehtësuar dëmin mjedisor të shkaktuar nga turizmi, komisioneri parlamentar për mjedisin, Simon Upton, ka rekomanduar një taksë nisjeje për të gjitha fluturimet ndërkombëtare.

Paratë e mbledhura do të shkojnë për zbutjen e efekteve të krizës klimatike në të gjithë Paqësorin.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.