Lionel Messi kishte kërkuar ndërmjet avokatit të tij rinovimin e kontratës me Barcelona-n në vitin 2020. Por, rinovimi do të shoqërohej me një listë kërkesash nga argjentinasi, që mesa duket ishin prioritet, raporton “El Mundo”.
Më 11 qershor të 2020 avokati i lojtarit kishte takuar drejtuesit e Barcelona-s për të paraqitur kërkesat e Messi-t. Josep Maria Bartomeu, presidenti i klubit në atë kohë, kishte mbetur i shtangur dhe ndaj nuk kishte pasur rinovim të kontratës.
Kontrata e Messi-t me Barcelona-n përfundoi në verën e 2021 dhe ai kaloi në radhët e PSG-së.
Cilat ishin kërkesat e Messi-t?
Ylli argjentinas kishte kërkuar rinovimin deri në vitin 2023, me mundësi vazhdimi të njëanëshme, por e përcaktuar nga vetë lojtari, pra Messi.
Ai synonte një pagë fikse me 20% ulje në sezonin e parë, 2020-21. Por, ajo ulje do të rikuperohej në dy sezonet pasardhëse, 2021-22 dhe 2022-23, me nga 10%, si dhe do të shtohej një normë interesi prej 3%.
Shtatë herë fituesi i Topit të Artë kishte kërkuar t’i paguhej bonus nënshkrimi prej 10 milionë eurosh deri në qershorin e 2023, si dhe t’i paguheshin të gjitha paratë nga bonusi i besnikërisë, madje këtyre të fundit t’ju bashkëngjitej dhe interes.
Një kërkesë tjetër ishte të kishte në dispozicion një fluturim privat për të gjithë familjen drejt Argjentinës për Krishtlindje.
Gjithashtu, Messi kishte kërkuar që në rast të zgjidhjes së kontratës, ti paguheshin shumat e bartura në sezonin 2020-21 plus interesat. Ai dëshironte dhe t’i rriteshin shpërblimet nëse rriteshin taksat, si dhe klauzola për ndërprerjen e kontratës të ishte 10 mijë euro, pra një shifër simbolike.
Në fund, ai kishte kërkuar që i ati i tij, Rodrigo Messi të merrte pjesën që i takonte nga komisionet.
“Siç e keni kuptuar, përpjekja nga ana e familjes është shumë e rëndësishme, sepse sezonin e ardhshëm shpërblimi i tyre do të ulet ndjeshëm, por Lionel dhe Jorge pranojnë për të mirën e klubit” , shkruante avokati në atë kohë.
Dhe siç dihet, kërkesat u refuzuan nga klubi katalanas, i cili në atë kohë sa vinte dhe zhytej më shumë në borxhe.
/Albanianpost.com-
SHBA, akuza për abuzim seksual në futbollin e femrave
-
Ekipi nga La Liga shkarkon trajnerin pas humbjes nga skuadra e Ivan Balliut
-
Formacionet e mundshme mes Inter-it dhe Barcelonës, Asllani pritet të jetë titullar
-
Ceferin: Finalja në Tiranë ishte një sukses i madh, Superliga ishte momenti më i vështirë
Lajmet kryesore
-
Kurti ndryshe nga Vetëvendosje: “Për 20 vjet nga viktima jemi kthyer në fanar të demokracisë” – kush mendon ndryshe i bën favor Putin-it
-
Meta i gatshëm për çdo datë të zgjedhjeve vendore
-
SHBA-të dhe Koreja e Jugut i përgjigjen raketës koreano-veriore me stërvitje bombarduese ushtarake
-
Kosova e Serbia mund të kenë takim “privat” në OKB
