Tanimë është mësuar shkaku i vdekjes së këngëtares dhe tekstshkrueses amerikane, Lisa Marie Presley, njëherësh vajza e legjendës së muzikës Elvis Presley – e cila, sipas raporteve mjekësore thuhet se ka vdekur nga komplikimet e një obstruksioni të zorrëve.
Sipas të dhënave nga Ekzaminuesi Mjekësor i Qarkut të Los Anxhelosit, shkaku zyrtar i vdekjes së saj ishin pasojat e pengimit të zorrëve të vogla.
Një autopsi e marrë zbuloi nivele “terapeutike” të oksikodonit dhe një opioid të dytë “Buprenorphine” në sistemin e saj dhe gjithashtu ka pasur edhe gjurmë të ilaçit antipsikotik “Quetiapine”.
Raporti vuri në dukje se droga nuk kontribuoi në vdekjen e saj dhe nuk kishte “asnjë dëshmi të lëndimit apo diçka tjetër dyshuese”.
Obstruksioni i zorrëve u tha se ishte shkaktuar nga ngjitjet që u zhvilluan pas operacionit bariatrik, një procedurë për humbje peshe, teksa përfundimisht u konfirmua se mënyra e vdekjes së saj ishte e natyrshme.
Presley ishte 54 vjeç kur vdiq më 12 janar të këtij viti, pasi pësoi një arrest kardiak më herët atë ditë, teksa më pas ekipet emergjente e transportuan atë në Spitalin dhe Qendrën Mjekësore “Ëest Hills” në Los Anxhelos.
Vajza e vetme e ikonës së rock-ut, Elvis Presley dhe Priscilla Presley ishte marrë me problemet e stomakut javën e vdekjes së saj.
Përveç kësaj, nuk kishte asnjë indikacion se Lisa Marie kishte pasur probleme të mëdha shëndetësore.
Megjithatë, në vitin 2019, ajo pranoi për herë të parë se kishte një histori abuzimi me drogën.
Ajo shkroi në parathënien e librit të Harry Nelson “The United States of Opioids: A Prescription for Liberating a Nation in Pain”, se u bë e varur nga opioidet dhe qetësuesit e dhimbjeve kur mirëpriti vajzat e saj binjake, Harper dhe Finley, në vitin 2008.
Në vitin 2013, varësia e saj thuhet se ishte përkeqësuar dhe ajo hyri në rehabilitim pesë herë.
Besohej se Lisa Marie ishte bërë esëll vitet e fundit. Megjithatë, ajo luftoi thellë me vdekjen e djalit të saj, Benjamin Keough, i cili vdiq nga vetëvrasja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
A mund ta përballojë BE-ja zgjerimin me Ukrainën dhe Ballkanin?
-
Tritoli në banesën e gjyqtarit, KLGJ: Kërcënim serioz për gjithë shoqërinë
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmojë VLEN-it t’i fitojë zgjedhjet, Kasami për AP: Bashkëpunimi do të vazhdojë
