Ambasada e Shteteve të Bashkuara të Amerikës (SHBA) në Shqipëri, nëpërmjet një postimi në median sociale Twitter, ka zbardhur agjendën e të dërguarit të Posaçëm për Ballkanin Perëndimor, Gabriel Escobar, i cili do të vizitojë Tiranën më 9 dhjetor.
Si fillim, ai do të takohet me kryeministrin e Shqipërisë, Edi Rama, më pas me ministren për Evropën dhe Punët e Jashtme, Olta Xhaçka, si dhe me kreun e Partisë Demokratike, Lulzim Basha.
Në njoftim shkruhet se, Escobar do të takojë edhe udhëheqës të tjerë për të rikonfirmuar mbështetjen e palëkundur të Shteteve të Bashkuara për demokracinë e Shqipërisë, integrimin në Bashkimin Evropian, si bashkëpunimin më të fortë në mbrojtje dhe mundësi për tregti e investime.
U.S. Deputy Assistant Secretary of State for European & Eurasian Affairs and Special Envoy for the Western Balkans Gabriel Escobar will make his first visit to 🇦🇱 with the goal of deepening our close friendship, based on shared democratic values 👉 https://t.co/FYqe8jfH6Q pic.twitter.com/H1c3vF104N
— USEmbassyTirana (@USEmbassyTirana) December 7, 2021
“Escobar do të diskutojë gjithashtu edhe mbi vendosmërinë e Shteteve të Bashkuara për të luftuar korrupsionin, pandëshkueshmërinë dhe përpjekjet për të minuar demokracinë në Ballkanin Perëndimor”, bën me dije Ambasada.
Vizita e Escobar-it vjen dy ditë para mbledhjes së Kuvendit të thirrur nga ish-lideri i PD-së, Sali Berisha, i cili është shpallur non grata nga Departamenti Amerikan i Shtetit.
Më herët, Biden ka bërë me dije se nga sanksionet e reja do të synohen personat e përfshirë në abuzime serioze të të drejtave të njeriut, korrupsion dhe që minojnë demokracinë.
Këto dy akuzat të fundit ishin edhe shkaku pse ish-kryeministri Berisha u shpall persona non grata.
Escobar ka qenë një mbështetës i hapjes së bisedimeve të Bashkimit Evropian me Shqipërinë.
“Mesazhi më i fuqishëm që mund të japë tani BE-ja është që të caktojë nisjen e bisedimeve për anëtarësim me Maqedoninë e Veriut dhe Shqipërinë, para fundit të këtij viti”, tha ai në një takim me nënkomitetin e Dhomës së Përfaqësuesve Evropianë për Energjinë dhe Ambientin.
Ai e ka bërë të qartë këtë qëndrim edhe më parë. Ndërsa, të njëjtat ujëra, është edhe Komisioni Evropian, që ka shtyrë më tej vendet anëtare, për të marrë vendimin e shumëpritur.
Sipas Escobar-it, vonesa të mundshme, mund të nxisin edhe dyshime mbi përse-në e këtij veprimi. Ato madje, mund të arrijnë deri aty sa të shkatërrojnë shpresat e një brezi të ri për të ardhmen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
KPA shkarkon gjyqtarin Lazër Sallaku
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Rama sqaron për ‘La Stampa’ emisionin e Rai-t, goditjen për Melonin dhe përfshirjen e të vëllait në dokumentar
-
Lufta në Ukrainë: Amerika i jep fshehurazi Kievit raketa me rreze të gjatë veprimi
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Politico: Rreziku që vjen me zgjedhjen e Belerit si kandidat për zgjedhjet Evropiane
-
Lufta në Ukrainë: Amerika i jep fshehurazi Kievit raketa me rreze të gjatë veprimi
-
Bislimi e Petkoviç sërish në Bruksel për dinarin