Xhudisti dhe sportisti që i ka sjellë disa medalje Kosovës, Akil Gjakova është akuzuar nga bashkëshortja e tij për dhunë në familje.
Gjakova dhe bashkëshortja e tij janë në proces divorci, me ndarjen e kërkuar nga vetë xhudisti kampion.
Megjithatë, gjatë gjyqit të ndarjes, bashkëshortja e Gjakovës ka pohuar se nga ana e xhudistit ka pasur episode dhune ndaj saj, të cilat ajo i ka të dokumentuara.
Ngjarja e episodit të dhunës, i pretenduar nga bashkëshortja e Akilit, ka mbërritur në prokurori, por prokurorja Lumturie Hoxha nuk e ka hapur si rast, raporton “Insajderi”.
Siç thekson media e sipërpërmendur, një tjetër ngjarje ka përfshirë çiftin të shtunën në mëngjes. Bashkëshortja e Akilit, së bashku me fëmijen e tyre, ka tentuar të hyjnë në banesë, por janë ndaluar nga sportisti.
Pas ngjarjes, gruaja ka telefonuar policinë, e cila ende nuk është shprehur zyrtarisht në lidhje me ngjarjen.
Në një prononcim për mediat, Gezim Baloku, avokati i Gjakovës, ka thënë se “Akili nuk ka banesë, është shtëpia e babait të Akilit. Kjo nuk del prej shtëpisë së vjehrrit, ia uzurpur shtëpinë njerëzve. Ajo është duke i ba zullum”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Liburn Aliu e Naser Hafizi ia mbyllin kompanisë “Arbëria – Uji Alpet” borxhin prej 2.2 milionë eurove për vetëm 23 mijë euro
-
Veliaj: Analistët më sulmojnë se nuk u kam realizuar favoret e kërkuara
-
Zemërimi i të pafavorizuarve të Evropës – një votë në 3, pre e sovranistëve
-
BBC pyet Kurtin: Pse e latë Radoiçiçin të lirë kur e kishit rrethuar?
