Barcelona e mposhti Sevilla-n me rezultat 1:0 në mbrëmjen e kaluar, ku golin e vetëm në këtë ndeshje e shënoi mesfushori 19 vjeçar, Pedri.
Ai realizoi një gol fantastik, duke bërë disa lëvizje mashtruese jashtë zonës, ku për trajnerin e tij, Xavi Hernandez, Pedri ka karakteristika të ngjashme me ish-shokun e tij, Andres Iniesta-n.
Beautiful goal by Pedri 😍🔥 pic.twitter.com/KHjyUZ4mtC
— KAA (CFC💙) (@officialtruekaa) April 3, 2022
“E inkurajoj shumë Pedrin, mori guxim të gjuajë nga aq larg, Ai ka instiktin e pasimit vendimtar. E njëjta gjë më ndodhte edhe mua kur luaja, por ka momente kur duhet të gjuash në portë”, tha Xavi.
“Ai shënoi një gol të pabesueshëm ndaj Sevilla-s. Pedri është një futbollist i jashtëzakonshëm për stilin tonë të lojës, realisht ka shumë pak lojtarë si ai”, shtoi trajneri spanjoll.
“Ai është një lider i vërtetë në fushë, lëviz shumë dhe kërkon gjithmonë topin. Më kujton Iniesta-n, një lojtar disi i turpshëm dhe i mbyllur, që në fushë bënte gjithmonë diferencën”, deklaroi Xavi pas ndeshjes.
Kujtojmë që Pedri po kalon sezonin e tij të parë me ekipin A të Barcelonës. Mesfushori i talentuar deri më tani ka zhvilluar 19 ndeshje në të gjitha garat me katalanasit, prej të cilave ka shënuar katër gola dhe ka dhuruar një asistim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ukraina ka frikë nga kolapsi, NATO po shqyrton vijat e kuqe për ndërhyrjen e drejtpërdrejtë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Të porsalindurit në Luhansk ‘konfiskohen’ nga rusët
-
“CdM” zbardh “detaje” nga takimi Scholz-Spajiç: Kosova në Këshill të Evropës – kur të bëjë “hapa konkretë” drejt Asociacionit
