Vullkani më i madh aktiv në botë, Mauna Loa në Hawaii, është aktivizuar të dielën për herë të parë që nga viti 1984, duke i dhënë fund periudhës më të gjatë të qetësisë.
Qielli mbi ishullin më të madh të Hawait u ngjyros në të kuqe skëterre teksa llava e ndezur dhe e nxehtë doli në majën e vullkanit rreth orës 23:30.
Për momentin llava nuk është kërcënuese për banorët e Hawaii-t, sipas Shërbimit Gjeologjik i SHBA-ve.
Mauna Loa ngrihet 4 mijë e 169 metra mbi Oqeanin Paqësor, pjesë e zinxhirit të vullkaneve që formuan ishujt e Hawaii-t.
Për herë të fundit ai shpërtheu në mars dhe prill të vitit 1984, duke dërguar një rrjedhë llave brenda pesë miljeve nga Hilo, qyteti më i madh i ishullit.
Sakaq, Agjencia e Menaxhimit të Emergjencave të Havaii-t ka hapur dy strehimore në ishull si një masë paraprake.
Gjithashtu ka theksuar se nuk ka shenja se llava do të kërcënojë zonat e populluara dhe se nuk ka lëshuar asnjë urdhër evakuimi.
Sipas agjencisë, rreth gjysma e të gjitha shpërthimeve të regjistruara të Mauna Loa ishin të kufizuara.
Marrë nga “Reuters”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
MB: Pretendimet ruse të spiunazhit për diplomatët e dëbuar nga Moska janë ‘të pabaza’
-
Drogë dhe iPhone u hodhën nga droni në Burgun e Peqinit, reagon Drejtoria e Burgjeve
-
Policia bastisje në 9 lokacione në Prishtinë, arrestohen disa persona e konfiskohen armë
-
Reagon Starmer pas paralajmërimit të Putinit: Kievi nuk do të lejohet të përdorë raketa perëndimore për të goditur Rusinë
