Vuçiç raporton në Kuvend: Pika katërt e propozimit franko-gjerman është më rrezikshmja – Asociacioni s’mund të jetë s’i OJQ

“Rroftë Serbia, dorëzimi nuk është opsion”, kështu e ka nisur fjalimin e tij presidenti serb Aleksandër Vuçiç, gjatë raportimit të tij në Kuvend ku është ftuar për të raportuar rreth propozimit franko – gjerman dhe kërkesat që pesëshja evropiane i paraqiti Serbisë.

Vuçiç, ka theksuar se 90 për qind e asaj që është shfaqur në opinion për planin franko-gjerman është e saktë.

“Pika 4 është më e rrezikshmja. Serbia nuk do ta kundërshtojë anëtarësimin e Kosovës në asnjë organizatë ndërkombëtare. Ata kundërshtuan, nuk kundërshtuan, do të kenë shumicën në Këshillin e Evropian kundërshtuan, nuk kundërshtuan për NATO-n, do të kenë shumicën, për BE-në është vendimi i tyre, tha Vuçiç.

Ai ka folur edhe për pranimin e mundshëm të Kosovës në OKB siç parashihet në planin franko-gjerman.

“Vuçiç është gjithmonë në anën e Serbisë dhe unë do të zgjedh Serbinë”, teksa vuri në pah se do të këmbëngul për formimin e Asociacionit të Komunave me Shumicë Serbe në Kosovë.

“Siç e shihni shqiptarët nuk duan ta zbatojnë. Nuk mund të jetë modeli i një OJQ-je. Duhet të jetë ajo që është nënshkruar në Bruksel. Jam i shqetësuar se do të përpiqen të ri-negociojnë për të mos reduktuar juridiksionin e Asociacionit, dhe kjo do të jetë shkaku dhe arsyeja e problemeve të reja”, tha Vuçiç.

Gjatë një fjalimi 80 minutash, ai prezantoi dhjetë pika që do të menaxhohen në periudhën e ardhshme, të cilat jo të gjitha kanë të bëjnë me Kosovën.

Si pikë të parë, ai deklaroi se “paqja dhe stabiliteti duhet të ruhen me çdo mjet dhe me çdo kusht”, pika e dytë ishte të ngulmonin në formimin e Asociacionit, dhe si pikë të tretë deklaroi sigurinë për serbët në Kosovë.

Ndërsa si pikë të katërt të planit, ai theksoi një jetë më të mirë për popullin dhe si të pestën se Serbia do të negociojë.

“Ndryshe nga ata që duan të bërtasin parulla dhe të bëhen heronj në kurriz të dikujt tjetër, unë thashë se Serbia do të negociojë edhe për letrat më të këqija, sepse nuk ka të drejtë të përsërisë përvojat e së kaluarës”, shtoi ai.

Opozita – Vuçiç-it: E keni dorëzuar Kosovën

“E ke dorëzuar Kosovën”, “jo ultimatum, jo kapitullim”, këto ishin parullat deputetëve të opozitës ën Serbi, derisa Vuçiç po fliste në Kuvend.

Në këto parulla ishte një fotografi edhe e ish-politikanit serb Oliver Ivanoviq, që ishte vrarë pesë vjet më parë dhe përcillej me mesazhin “Do të jepni përgjegjësi”.

Prezentë në Kuvend ishte edhe nënkryetari i Listës Serbe, Milan Radoiçiç, i cili kërkohet nga autoritetet kosovare dhe në listën e zezë të SHBA-së.

Radoiçiç dyshohet se ishte i përfshirë në vrasjen e politikanit serb nga Kosova, Oliver Ivanoviç-it, ndërsa në Beograd i hodhën poshtë akuzat e tij.

Në dhjetor të vitit të kaluar, SHBA-të e futën në listën e zezë së bashku me Zvonko Veselinoviçin, vëllain dhe 10 persona të tjerë të lidhur me ta.

Në sqarim thuhej se grupi i organizuar kriminal (Zvonka) i Veselinoviçit dyshohet edhe për përfshirje të supozuar në vrasjen e Ivanoviç-it.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.