Presidenti i Serbisë, Aleksandar Vuçiç pas takimit me emisarin e Gjermanisë për Ballkanin Perëndimor, Manuel Sarrazin, ka deklaruar se i ka kërkuar atij “më shumë përfshirje të ndërkombëtarëve” në de-përshkallëzimin e situatës në Kosovë.
Përmes një shkrimi në rrjetin social ‘Instagram’, presidenti i Serbisë ka thënë se është e nevojshme që të krijohet një stabilitetet i qëndrueshëm në Ballkanin Perëndimor.
“Diskutuam gjithashtu për nevojën e përfshirjes më të fortë të aktorëve relevantë ndërkombëtarë në de-përshkallëzimin e situatës në Kosovë, por edhe për t’i dhënë një vrull të ri integrimit evropian të rajonit, i cili do të kontribuonte ndjeshëm në stabilitetin e qëndrueshëm në Ballkanin Perëndimor”, ka shkruar ai.
Teksa ka thënë se kanë diskutuar edhe për takimin e së enjten në Bruksel, situatën në rajon , marrëdhëniet dypalëshe me Gjermaninë, rrugën evropiane të Serbisë dhe të ardhmen e Ballkanit Perëndimor.
View this post on Instagram
Takimi i nëntë ndërmjet Albin Kurti dhe Aleksandër Vuçiç-it nuk prodhoi ndonjë rezultat.
Sipas Shefit të Diplomacisë së BE-së ishte Kurti ai që nuk e pranoi propozimin e BE-së për zbatimin e njëkohshëm të obligimeve që dalin nga kjo marrëveshje, ndërsa Vuçiç-i e pranoi.
Borrell tha se Kurti këmbënguli që të formalizohet, fillimisht, njohja de facto e Kosovës nga Serbia, kurse Vuçiç kërkoi themelimin e Asociacionit të Komunave me Shumicë Serbe në Kosovë.
Kurti dhe Vuçiç, në konferenca të ndara për media, akuzuan njëri-tjetrin për mungesën e rezultateve nga takimi.
Kurti tha se “kushtëzimi i Serbisë” për formimin e Asociacionit “është shndërruar në qëndrim të emisarëve të BE-së”.
Sipas Vuçiç-it, Kurti, thjesht, “i shmanget formimit të Asociacionit. Ky është thelbi i gjithçkaje”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
