E patën një përshëndetje në grup, por të martën Presidenti i Serbisë, Aleksandër Vuçiç, do të ketë një takim kokë më kokë me Presidentin e Ukrainës, Volodymyr Zelensky.
Siç u ka thënë mediave serbe Vuçiç-i, një takim dypalësh me liderin ukrainas do të bëhet “të martën në mëngjes”.
Ai ka deklaruar edhe se “Serbia e respekton integritetin territorial të Ukrainës”, prandaj shpreson se “edhe Ukraina do të respektojë integritetin territorial të Serbisë”.
Serbia vazhdon të mbetet i vetmi shtet evropian, përveç Bjellorusisë, që nuk i ka vendosur sanksione Rusisë, siç ka bërë e gjithë bota demokratike, përfshirë shtetin e Kosovës.
Serbia, përkundër presioneve ndërkombëtare, ka refuzuar të vendos kufizime për Rusinë, aleatin e vet historik.
Për më tepër, Serbia i ka intensifikuar marrëdhëniet dhe ka pasur edhe vizita bilaterale mes zyrtarëve të lartë të dy vendeve.
Gjithashtu, Rusia i ka shtuar investimet në Serbi.
Gati i gjithë sistemi i derivateve që ishte në pronësi shtetërore të Serbisë ka kaluar në pronësi të kompanisë ruse Gazprom.
Temat e takimit të nesërm mes Zelensky-it e Vuçiç-it akoma nuk janë bërë të ditura.
Vuçiç ka udhëtuar drejt Greqisë me ftesë të kryeministrit grek, Kyriakos Mitsotakis, i cili ka mbledhur liderët e Ballkanit Perëndimor me rastin e 20-vjetorit të Samitit të Selanikut.
Në Athinë gjendet edhe Kryeministri i Kosovës, Albin Kurti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist