![](https://albanianpost.com/wp-content/uploads/2022/10/215726_milosvucevic0406022019_fmob.jpg)
Ministri i Mbrojtjes në Serbi, Millosh Vuçeviç, gjatë një interviste për TV Happy, ka paralajmëruar rikthimin e shërbimit të detyrueshëm ushtarak në Serbi, i cili sipas tij, nuk duhet të jetë më i gjatë se katër muaj.
“Të riaktivizohet ligji që përcakton shërbimin e detyrueshëm ushtarak, me propozimin e ushtrisë serbe dhe ministrisë së Mbrojtjes që shërbimi ushtarak të mos jetë më i gjatë se 4 muaj. Do të jetë çështje vlerësimi nga shërbimet kompetente, publiku i gjerë profesional dhe administrata e burimeve njerëzore, që është një periudhë e mjaftueshme për aftësimin profesional të rekrutëve”, tha Vuçeviç.
Siç tha ai, iniciativa për riaktivizimin e vendimit për shërbimin e detyrueshëm ushtarak erdhi pas një vlerësimi të situatës së sigurisë në vend, pas 13 vitesh nga pezullimi i një vendimi të mëparshëm të vitit 2011.
“Kemi 13 gjenerata ku nuk ka pasur shërbim të detyrueshëm ushtarak, 13 gjenerata kanë lënë rezervën e ushtrisë serbe. Kemi nevojë për rekrutë të rinj dhe një skuadër të re, e cila është gjithmonë e gatshme për të mbrojtur vendin. Kjo nuk do të thotë se po përgatitemi për luftë”, potencoi Vuçeviç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qeveria në RMV ndryshon përqindjen e Balancuesit: Ulet përfaqësimi i shqiptarëve në administratë – rritet i maqedonasve dhe serbëve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”
-
U shpall i “padëshirueshëm”, Zv\kryeministri i Malit të Zi: Është vendim politik
-
Kroacia shpall persona “të padëshirueshëm” Kryetarin e Kuvendit, Zv\kryeministrin dhe një deputet të Malit të Zi