Raportuesja për Kosovën në Parlamentin Evropian, Viola von Cramon, ka kërkuar hetim për të kuptuar përfshirjen e mundshme të strukturave të Serbisë në sulmin ndaj policisë së Kosovës në Veri, ku mbeti i vdekur një polic i Kosovës dhe të tjerë të lënduar.
“Pjesëmarrja potenciale e strukturave të Serbisë duhet të hetohet derisa është jetike që të merren të gjitha masat e nevojshme për të mbajtur paqen dhe rendin. Unë lus të gjithë akterët që t’i bindin të armatosurit në Manastirin e Banjska-s që të dorëzohen pa vonesë”, ka shkruar ajo në platformën X.
“Dënoj fuqishëm sulmin e dhunshëm në Policinë e Kosovës dhe shpreh solidaritetin e plotë me popullin e Kosovës. Sulmi i orkestruar në policinë e Kosovës është absolutisht i papranueshëm dhe sulmuesit duhet të sillen para drejtësisë. De-eskalimi i menjëhershëm është i nevojshëm dhe përshirë edhe shtimin e numrit të forcave të KFOR-it në Veri të Kosovës”, deklaroi euro-deputetja.
Ajo ka thënë se “mirëpres hapet e ndërmarrë nga Qeveria e Kosovës, duke shpresuar se secili qëndron i qetë në çdo pjesë të Kosovës”, kurse u ka shprehur “ngushëllime në emër të Parlamentit Evropian për familjen e policit të vrarë në detyrë dhe sinqerisht shpresoj për shërimin sa më të shpejtë të të lënduarve”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
-
Posta apelon qytetarët të mos bien pre e mesazheve të dyshimta
-
Haradinaj në takim me Orav thekson nevojën që Kosova t’i kthehet kursit të integrimit euro-atlantik
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke