Kandidati i Lëvizjes Vetëvendosje në Prishtinë, Arben Vitia, ka deklaruar se do të dalin me shifra në momentin kur të publikohet rezultati përfundimtar nga Komisioni Qendror i Zgjedhjeve.
Vitia deklaroi para mediave se gara është e ngushtë, mirëpo janë duke prirë me dy për qind dallim.
“Po e presim rezultatin, sapo ta marrim nga KQZ-ja do të dalim t’iu njoftojmë. Jemi dy pikë përpara sipas sondazheve. Votat janë duke u numëruar, është një rezultat shumë i ngushtë”, deklaroi Vitia në konferencë për media
Ndërsa, ka lavdëruar punën e institucioneve për mbajtjen e zgjedhjeve lokale.
“Sot kanë qenë një palë zgjedhje të jashtëzakonshme, tash e sa kohë Kosova po jep shembull për organizim të zgjedhjeve. Dua t’i falënderoj institucionet për organizimin e zgjedhjeve”.
Sipas sondazhit të Albanian Post, Lidhja Demokratike e Kosovës – përkundër se me rezultat të ngushtë – pas tetë vjetësh, do ta rikthejë Prishtinën.
Kështu tregon rezultati i EXIT POLL i realizuar nga Albanian Post dhe Instituti “Source”.
Përqindja është tejet e afërt, por megjithatë rezultati tregon se Përparim Rama ka 50.98%, derisa Arben Vitia i Lëvizjes Vetëvendosje ka 49.02 të përqindjes së përgjithshme.
Ndërsa, nga numërimi i votave të deri tashme nga Komisioni Qendror i Zgjedhjeve, Përparim Rama nga LDK ka marrë 51,47 për qind apo 17 mijë e 887 vota, ndërsa Arben Vitia nga LVV ka 48,53 për qind ose 16 mijë e 862 vota.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
PE-ja miraton liberalizimin e vizave për poseduesit e pasaportave ilegale serbe në Kosovë
-
Vdekja e 3-vjeçarit nga anestezia – Grupi i mjekëve italianë do të kryejë ekspertizën
-
SPAK u komunikon akuzat ish-zyrtarëve të arrestuar të Bashkisë Tiranë
-
Liburn Aliu deklarohet për aferën me ambalazhues: Nuk lidhet emri im askund, për çfarë borxhi e kanë fjalën
