Epoka më e vjetër e historisë së njerëzimit është ajo e gurit.
Shpellat dhe strehët nën mure të shpellave kanë qenë hapësirat ku ata kanë jetuar.
Besohet se njerëzit kanë jetuar në grupe apo bashkësi, në kushte shumë të vështira. Interesi kryesor i tyre kanë qenë shtazët.
Kështu shtazët janë edhe figurat e para të artit, që njerëzit e kohës së gurit kanë bërë.
Ato janë të gdhendura, të vizatuara apo të pikturuara me ngjyra të dheut, në muret dhe tavanet e shpellave.
Format kryesore në këto vepra arti ishin vizatimi, hija dhe forma.
Pikturat parahistorike u zbuluan për here të parë në vitin 1878 në një shpellë të quajtur Altamira, në Spanjë.
Derisa Don Marcelio gërmonte tokën për gurë, vajza e tij 12-vjeçare Maria pa disa figura të kafshëve të pikturuara me vija të zeza dhe të mbushura me ngjyra të ndezura të tokës.
Dhe kur mendohet se përse këto piktura janë të mbrojtura dhe të pa prekshme për mijëra vite, rezulton me faktin se ato kurrë nuk ishin bërë në hyrje të shpellave, por shumë thellë nga hyrjet.
Tek disa piktura është pothuajse e pamundur të arrihet.
Njerëzit e parë mendohet që kanë besuar se në bazë te vizatimit, kafshët do të kapen më lehtë, ndërsa duke e vrarë me shtiza kanë menduar se kanë vrarë shpirtin e kafshës të cilën e kanë vizatuar.
Hulumtuesit këtë ndërlidhje në mes të vizatimit dhe natyrës e kanë quajtur “magji e simpatisë”.
Mbresëlënëse është edhe piktura në shpellën Lascaux (Dragonj) të Francës e cila është zbuluar rastësisht në vitin 1940 nga një grup fëmijësh, qeni i të cilëve ka rënë në një gropë, e cila i ka dërguar ata në një hapësirë nëntokësore.
Këto vizatime të gdhendura, tregojnë figurat e njerëzve në lëvizje të cilat bëjnë një lojë ndërsa afër tyre ndodhen disa kafshë.
Përveç vizatimit dhe pikturës, karakteristikë e asaj periudhe kanë qenë edhe skulpturat.
Gratë kanë qenë shpesh subjekt në skulpturat parahistorike, si Venera e Vilendorfit.
Është njëra nga skulpturat më të njohura, nuk ka karakteristika të fytyrës sepse theksi qëndron në aftësitë riprodhuese të femrës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Intervistë e Albanian Post me Ziadin Selën: “VLEN” fliste për Kurtin në fushatë dhe harruan partitë e tyre, tash e thërrasin zëshëm emrin e Mickoski-t
-
Amnistia Penale, PD kërkesë për interpelancë urgjente me ministrin e Drejtësisë
-
Pse Izraeli dhe aleatët e tij i frikësohen ICC-së?
-
8 orët e ankthit të Erion Veliajt në SPAK