Vëngu takim me VanHorn, nënshkruhet një memorandum

Shqipëria dhe Shtetet e Bashkuara vijojnë të forcojnë bashkëpunimin në fushën e sigurisë dhe mbrojtjes.

Ministri i Mbrojtjes, Pirro Vëngu priti sot në një takim mirëseardhjeje të ngarkuarën me punë në Ambasadën e SHBA-ve në Tiranë, Nancy VanHorn, me të cilën nënshkroi një memorandum për vendosjen e këshilltarit të Planifikimit Strategjik pranë Ministrisë së Mbrojtjes.

Vëngu theksoi se “ai do t’i bashkohet katër këshilltarëve të tjerë amerikanë që ndërveprojnë në baza ditore me stafin civil dhe ushtarak shqiptar, në modernizim, logjistikë, personel e rekrutim si dhe siguri kibernetike”.

“Projektet me impakt strategjik të shumëfishtë për vendin, siç është baza autonome detare e Porto Romanos, rijetëzimi i industrisë ushtarake në vend, si dhe angazhimet politike dhe financiare përkundrejt NATO-s, në fokus të vazhdueshëm të partneriteti tonë strategjik me SHBA, duke kontribuar në forcimin e sigurisë kombëtare dhe stabilitetit rajonal”, u shpreh ministri.

Nga ana e saj, VanHorn falënderoi Shqipërinë për mbështetjen e saj thelbësore në punën e përbashkët, në koordinim me aleatët dhe partnerët e tjerë të NATO-s, për të siguruar të ardhmen e Ukrainës si një komb sovran, i lirë dhe i begatë.

Chargé d’Affaires Nancy VanHorn met yesterday with Minister of Defense Pirro Vëngu to reaffirm the strong defense relationship between the United States and Albania. They discussed Albania’s contributions to regional and global security and stability. Ms. VanHorn thanked Albania… pic.twitter.com/riB8ftAsuO

— U.S. Embassy Tirana (@USEmbassyTirana) August 14, 2024

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.