Çedomir Stojkoviç, avokati i politikanit opozitar serb, Nikola Sanduloviç, përmes një postimi në platformën sociale, X, ka njoftuar se të premten është ndaluar për katër orë rresht nga anëtarët e Inteligjencës serbe, e njohur ndryshe si BIA, në pikë kalimi kufitar në mes të Kosovës dhe Serbisë.
Ndalimi i tij ka ardhur si rrjedhojë e vizitës së tij në Kompleksin Memorial “Adem Jashari” në Prekaz.
Avokati serb, i cili është një zë kritik ndaj politikave të Aleksandër Vuçiç, përpos homazheve në Memorialin “Adem Jashari”, të enjten vendosi edhe lule te varri i Blerina Jasharit duke kërkuar falje për krimet serbe, njëjtë siç bëri klienti i tij në shkurt të vitit të kaluar, veprim i cili e dërgoi atë në paraburgim.
“Pasi u ndalove për 4 orë nga anëtarët e BIA u lirova për të vazhduar më tej”, ka shkruar ai në platformën sociale, X.
💆♂️
Nakon zadržavanja od 4 sata od strane pripadnika Bezbednosno informativne agencije Srbije, pušten sam na dalje slobodno kretanje.Moje puštanje nije posledica volje vlasti. Pušten sam zbog svesti vlasti da će ukoliko i ja budem uhapšen, pritisak svetske javnosti biti veoma… https://t.co/WIckyWX0yw
— Advokat Čedomir STOJKOVIĆ 🇺🇦🇮🇱 (@FIGHT_4_RIGHT_S) January 19, 2024
Stojkoviç është liruar, pasi sipas tij autoritetet serbe e kanë të qartë se nëse një gjë e tillë nuk do të ndodhte presioni ndërkombëtar do të ishte i madh.
“Lirimi im nuk është pasojë e vullnetit të autoriteteve. Më liruan për shkak të ndërgjegjësimit të qeverisë se po të më arrestonin presioni nga ndërkombëtarët do të ishte shumë i madh”, ka shkruar ai.
Stojkoviç te varri i Blerina Jasharit bashkë me një buqetë me lule kishte lënë edhe një mesazh.
“Urrejtja vdes. Ti jeton përgjithmonë. Një mijë lot për një mijë vjet, dhe miliona shpresa dhe ëndrra. Të cilat fillojnë me fjalën Më Fal”, thuhet në mesazh.
Nikola Sanduloviç vitin e kaluar bëri homazhe në kompleksin “Adem Jashari”, në Prekaz duke vendosur një kurorë në monumentin që përkujton ngjarjet e 5, 6 dhe 7 Marsit 1998, kur forcat serbe vranë mbi 50 anëtarë të familjes së Adem Jasharit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
-
Haradinaj: Kurti me politikën e tij të “showbiz”-it e bëri Serbinë partner më serioz të aleatët tanë
-
“A jemi edhe ne në Kosovë”, një qytetari shqiptar nga Veriu i shkon fatura e rrymës në cirilikë
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi