Shefi i Stafit të Presidentes së Kosovës Vjosa Osmanit, Blerim Vela, ka reaguar ndaj fjalimit të ministrit të Jashtëm serb, Nikola Selakoviç në mbledhjen e Këshillit të Sigurimit.
Fjalimin e kryediplomatit serb, Vela e ka krahasuar me thënien e Dobrica Qosiçit se “gënjeshtra është formë e patriotizmit serb”.
“Ajo çfarë tha dje Selakoviq për Kosovën në mbledhjen e Këshillit të Sigurimit është një aplikim klasik i thënies së famshme të Dobrica Qosiqit (babait të kombit serb)”, ka shkruar Vela në Twitter.
Duke shtuar se “Gënjeshtra është një formë e patriotizmit serb dhe një konfirmim i inteligjencës sonë të lindur”.
What we witnessed yesterday from #Serbia’s Selaković at the @UN Security Council meeting on #Kosovo is classical application of Dobrica Ćosić’s (“father pf Serb nation”) famous saying:
“Lie is a form of Serbian patriotism and a confirmation of our innate intelligence”#Exposed pic.twitter.com/jluhhcd7w1
— Blerim Vela (@Blerim_Vela) October 16, 2021
Presidentja e Kosovës, Vjosa Osmani në këtë mbledhje është ballafaquar argumentativisht me Ministrin e Punëve të Jashtme të Serbisë, Nikolla Selakoviç, argumentet e të cilit i ka quajtur “argumente të shtrembëruara”, për të paraqitur një pamje krejtësisht ndryshe nga ajo që është dhe që ka qenë në realitet.
“Kriminelët në Serbi jo vetëm që i glorifikojnë, por edhe po i rehabilitojnë nga këto institucione aktuale në Serbi”, tha Osmani së pari.
“Zoti Selakoviç po abuzon me fjalimin e tij, po abuzon serbët e Kosovës, shqiptarët e Kosovës dhe të gjithë komunitetet që jetojnë paqësisht në Kosovë”, deklaroi Osmani.
Osmani tha se Selakovic flet “për 100 krime të motivuara etnikisht por në fakt e përmend një krim 100 herë, për të arritur tek ai numër”.
“Serbët në Kosovë”, tha Osmani “nuk kanë frikë nga unë, por nga strukturat paralele ilegale serbe, të mirëmbajtura e të financuara, të mbështetura dhe të shndërruara në banda nga Presidenti Vuçiç. Ata po shkelin të gjitha të drejtat. Ata po frikësojnë serbët”.
Ndërsa për dënimin me 2 vjet burg të Ivan Todosijeviç, Osmani tha se nuk është shkelur marrëveshja e Brukselit, pasi ai ka mohuar masakrën e Reçakut në Kryeqytetin e Kosovës, në Prishtinë, vend ky që nuk është vend me shumicë serbe.
Osmani tha se krerët më të lartë shtetëror të Serbisë së sotme, ishin funksionarët e lartë shtetëror të regjimit të Millosheviçit.
Ministri i Punëve të Jashtme i Serbisë, Nikolla Selakoviç, në seancën për paraqitjen e raportit gjashtë-mujorësh të Misionit të Kombeve të Bashkuara në Kosovë (UNMIK), në selinë e OKB-së në Neë York, ka vazhduar narracionin e kamotshëm të Serbisë kundrejt Kosovës, duke e paraqitur “të gjeturat tjera” të cilat, sipas tij, “nuk ishin të përfshira në raportin e Shefit të Misionit të Administratës së Përkohshme të OKB-së në Kosovë, Zahir Tanin”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pasagjerët britanikë në fluturimin për në Turqi ‘e thajnë’ furnizimin me alkool brenda 30 minutave
-
210 mijë fëmijë kanë përfituar nga bonusi i bebes prej 2019-ës
-
Çështja Scurati, ndërhyrja e Melonit dhe anticensura e Murdoch
-
Izrael Gaza: Kolegjet më të larta amerikane luftojnë me protestat në rritje
Lajmet kryesore
-
DASH ‘ngel’ Shqipërinë për vitin 2023, me tre probleme shumë madhore për demokracinë
-
OECD kërkon që ndërtuesit të paguajnë taksa për burimet natyrore, po dëmtojnë mjedisin
-
Mavijosje dhe brinjë të thyera – Vdekjet e pashpjegueshme në burgjet e Izraelit
-
Kosova (s’)humbi nga referendumi i dështuar në veri