Sport

Vazhdon forma e mirë e Barcelonës, mposht bindshëm Osasunën


Ndeshja mes Barcelonës dhe Osasunës përfundoi me fitoren e këtyre të parëve me rezultat 4:0.

Dueli ishte plotësisht i dominuar nga katalunasit, të cilët shënuan tre gola në pjesën e parë.

Fillimi ishte shumë i mirë për Barcelonën, pasi ata morën epërsinë në minutën e 14-të me antë të golit të Ferran Torres nga penalltia.

Goli i dytë erdhi pas shtatë minutash, përsëri me anë të Ferran Torres.

Për golin e tretë u përkujdes Pierre Emerrick Aubameyang, i cili shënoi në minutën e 27-të pas një asistimi të Ousmane Dembele.

Pjesa e dytë ishte më e qetë për katalunasit, pasi ata nuk arritën të shënojnë gola si në pjesën e parë.

Goli i katërt dhe i fundit i ndeshjes erdhi në minutën e 75-të me anë të mesfushori 22-vjeçar, Riqui Puig.

Barcelona momentalisht po kalon një formë shumë të mirë, të cilët radhiten në pozitën e tretë me 51 pikë.

Ndërsa Osasuna radhiten në pozitën e 11-të me 35 pikë.

 

/Albanianpost.com


Lajmet kryesore