![](https://albanianpost.com/wp-content/uploads/2021/08/222775407_4401547889885044_8019592285085715668_n.jpg)
Dy rep artistët e famshëm shqiptarë, Don Xhoni dhe Noizy, kishin paralajmëruar koncertet e tyre brenda dy vendeve të ndryshme në të njëjtin qytet, atë të Ulqinit.
Por, për dallim nga Noizy, i cili mbajti koncertin e stërmbushur me njerëz, ku edhe krijoi një atmosferë mbresëlënëse, Don Xhoni nuk u shfaq fare atje.
Mungesën në koncertin e paralajmëruar për tu mbajtur në Ulqin, Don Xhon, e ka justifikuar se kishte të bëjë me një ngjarje të rëndë në familjen e tij, duke mos zbuluar më tepër detaje.
![](https://albanianpost.com/wp-content/uploads/2021/08/0faa5a51-46c8-49e2-b924-62603ecbaf15-300x650-1-e1627832792941.jpg)
“Shqipet e Ulqinit ju kërkojmë shumë shumë falje që nuk munda të vija sonte. Shkaku është një aksident në familje. Kërkojmë sërish falje, shihemi shumë shpejt”, ka shkruar Don Xhoni.
Por, justifikimi i rep artistit nga Kosova, duket t’i është dukur qesharak rep artistit nga Shqipëri, pasi që ky i fundit ka hedhur kunja në drejtimit të Don Xhonit, me pretekstin se të gjithë ishin në koncertin e tij.
![](https://albanianpost.com/wp-content/uploads/2021/08/noiz3-300x614-1.jpg)
“Jo, po cuni tezes babit me apandesit”, ka shkruar Noizy.
Pas këtyre thumbave, nuk vonoi as reagimi i Don Xhoni-t, i cili u tregua akoma më i ashpër në deklaratat e tij të publikuara përmes disa imazheve në Instagram.
![](https://albanianpost.com/wp-content/uploads/2021/08/Inkeddon-xhon-2-300x375_LI.jpg)
“I kena ndrru venet, është fakt se ti ke qenë një model suksesi, por sot ti je vetëm një person i vjetër që po lutet për pak vëmendje. Jam i zhgënjyer”,
Gjithsesi, kjo nuk është hera e parë që këta dy rep artistë kanë zhvilluar betejë virtuale, pasi një raport jo i mirë mes tyre është vënë re që në fillimet e karrierës së Don Xhonit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com