Pas shqetësimeve në rritje për variantin e ri të coronavirus-it të zbuluar në Afrikën e Jugut, vendet evropiane kanë nxituar të ndërmarrin kufizime të udhëtimeve.
Të parat vende janë Italia, Gjermania dhe Franca, teksa Brukseli shqyrton kufizimet e fluturimeve në mbarë Bashkimin Evropian.
Presidentja e Komisionit Evropian, Ursula Von der Leyen, ka bërë të ditur se komisioni do të propozojë pezullimin e udhëtimit ajror nga Afrika Jugore mes shqetësimeve për variantin e ri.
Gjithashtu pritet që propozimi mund të hyjë në fuqi mbrëmjen e së premtes së 26 nëntorit, zbulon agjencia e lajmeve, “Euronews”.
Tanimë, tre vendet kanë njoftuar masa për të kufizuar udhëtimin ajror nga rajoni.
Italia ka njoftuar pezullimin e udhëtimeve nga Afrika e Jugut dhe hyrjen në vend për të gjithë udhëtarët që kanë vizituar Afrikën gjatë 14 ditëve të fundit.
Atje, ministri i shëndetësisë, Roberto Speranza, ka nënshkruar një urdhër ekzekutiv që ndalon të gjithë udhëtarët që kanë vizituar Afrikën e Jugut gjatë 14 ditëve të fundit të hyjnë në vend
“Shkencëtarët tanë po shqyrtojnë variantin e ri B.1.1.529. Ndërkohë, do të marrim masat e nevojshme menjëherë”, ka thënë Speranza.
Vendet e synuara nga kjo masë janë Afrika e Jugut, Lesoto, Botsvana, Zimbabve, Mozambiku, Namibia dhe Eswatini.
Kurse ministri gjerman i Shëndetësisë, Jens Spahn, ka treguar se linjat ajrore që vijnë nga Afrika e Jugut do të mund të transportojnë vetëm shtetas gjermanë.
Dhe se udhëtarët do të duhet të kalojnë në karantinë për 14 ditë pavarësisht nëse janë të vaksinuar apo jo.
Edhe qeveria franceze ka njoftuar se po pezullonte mbërritjet nga Afrika Jugore.
Ndërkaq, Holanda po planifikon masa të ngjashme.
Ky ndryshim pason shqetësimin në rritje të shkencëtarëve mbi aftësinë e variantit B.1.1.529 Sars-Cov-2 për të injoruar vaksinat dhe për të transmetuar më shpejt se varianti Delta.
I identifikuar për herë të parë në Botsvana, varianti i ri besohet të jetë pas një rishfaqjeje të rasteve me COVID në Afrikën e Jugut gjatë javës së kaluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Gjermania kërkon që Kosova ta dërgojë në Kushtetuese Asociacionin nëse do anëtarësim në KiE
-
Pentagoni, 1 miliard dollarë ndihmë të re ushtarake për Ukrainën
-
Ra në kontakt me energjinë elektrike, humb jetën 45-vjeçari në Ishull-Lezhë
Lajmet kryesore
-
Kurti përdor “X”-in për mashtrimin e radhës: Macron tha se na përkrahë për KiE pa asnjë kusht
-
Përgatiten avionët e parë me refugjatë drejt Ruandës, Sunak: Marrëveshja me Shqipërinë reduktoi me 90% gomonet
-
Pentagoni, 1 miliard dollarë ndihmë të re ushtarake për Ukrainën
-
Pas reagimit të Ramës, drejtuesi i Report thotë se do të ketë emision tjetër rreth Shqipërisë