Raphael Varane kishte vetëm fjalë të mira për të thënë për Cristiano Ronaldon, me të dy që u bashkuan në Manchester United pasi luanin së bashku në Real Madrid në të kaluarën.
Qendërmbrojtësi francez foli për aftësitë e Ronaldos dhe e lavdëroi atë, pasi ai ende konsiderohet si një nga lojtarët më të mirë në botë, në moshën 36 vjeçare.
“Vazhdimi i lojës në të njëjtin nivel në moshën e tij nuk po ndodh rastësisht”, tha Varane.
“Ai është një shembull. Është e mrekullueshme të jesh në gjendje të punosh, të luash dhe të jesh me të”.
“Siç e dimë mirë, ai është krijuar për të fituar, për të shënuar gola, kështu që është më mirë ta kemi atë me ne”.
“Ne e dimë atmosferën që ka ai. Ai është një profesionist i jashtëzakonshëm. Është më mirë që ai të luajë për ne sesa kundër nesh”, përfundoi Varane.
Kujtojmë se Ronaldo dhe Varane ishin së bashku në Real Madrid, ku fituan Ligën e Kampionëve katër herë në pesë vite.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
