Një nga zbuluesit e një vaksine që mund të zhdukë sëmundjen e malarias shpreson që ajo të mund të miratohet që në fillim të vitit të ardhshëm.
E gjitha pasi rezultatet e fundit të provës kanë qenë të suksesshme.
Për Adrian Hill kjo është “vaksina më e mirë deri më tani”.
Ai beson se R21 mund të ndihmojë në reduktimin e vdekjeve nga sëmundja me 70 për qind deri në vitin 2030 dhe ta zhdukë atë deri në vitin 2040.
Sipas Hill, do të ishte tragjike nëse Mbretëria e Bashkuar do të shkurtonte fondet ashtu siç shkencëtarët ishin gati të bënin “një ndikim të vërtetë” kundër malaries.
Ai i ka kërkuar kryeministres së re britanike Liz Truss që të mos e shpërdorojë inovacionin më të fundit të Mbretërisë së Bashkuar duke “mbyllur rubinetat” në fondet globale të shëndetësisë.
Rezultatet nga testimi në Burkina Faso treguan se R21 ruan efikasitetin e tij të lartë pas një administrimi të vetëm përforcues.
Studiuesit shpresojnë se vaksina mund të miratohet nga Organizata Botërore e Shëndetësisë vitin e ardhshëm, duke supozuar se një provë më e madhe në vazhdim nuk sjell probleme të papritura.
Por Hill ka paralajmëruar gjithashtu se marrja e vaksinës në krahët e dhjetëra miliona fëmijëve afrikanë që kanë më shumë nevojë për të do të ishte një sfidë pa financim.
Organi që siguron më shumë se gjysmën e të gjithë financimit për programet botërore të malaries, Fondi Global për Luftimin e Sidës, Tuberkulozit dhe Malaries, ka paralajmëruar se nëse nuk merr më shumë para nga vendet kryesore donatore, nuk do të jetë në gjendje ta rikthejë luftën kundër këtyre sëmundjeve në rrugën e duhur pas pandemisë.
“Është tepër e rëndësishme që Fondi Global të rimbursohet siç duhet. Ajo që ata bëjnë është absolutisht e mahnitshme”, ka vijuar Hill.
“Shpresoj se kryeministrja e re do të jetë e etur për të njohur rëndësinë e të bërit atë që Mbretëria e Bashkuar, donatorja e tretë më e madhe e fondit, ka bërë kaq mirë në të kaluarën”, ka thënë ai.
Sakaq, një tjetër vaksinë kundër malaries e prodhuar me nivele më modeste efikasiteti, RTS,S e GSK, e miratuar nga OBSH vitin e kaluar, është gati të vendoset më gjerësisht nga viti i ardhshëm.
Sipas Hill, dy vaksinat kryesore në botë për sëmundjen e malaries janë nga një kompani me seli në Mbretërinë e Bashkuar dhe një universitet në Mbretërinë e Bashkuar.
“Mbretëria e Bashkuar është e mirë në këto gjëra. Do të ishte tragjike nëse befas do të mbyllim rubinetat e financimit. Dhe ekziston rreziku për këtë”, ka theksuar ai.
Shkencëtarët janë përpjekur të gjejnë një vaksinë të mirë kundër malaries për rreth një shekull, me provën e parë klinike që u zhvillua në vitet 1940.
Sëmundja vret qindra mijëra njerëz çdo vit, kryesisht fëmijë nën pesë vjeç në Afrikën Sub-Sahariane.
R21, vaksina e parë e malaries që përmbush një objektiv të efikasitetit të OBSH-së prej 75 për qind, është licencuar në Institutin e Serumit të Indisë.
Ai është gati të prodhojë të paktën 200 milionë doza në vit nga viti i ardhshëm nëse i jepet drita jeshile pas rezultateve nga prova më e gjerë, që pritet më vonë këtë vit.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”