Utah është shteti i parë amerikan që kërkon pëlqimin e prindërve për të përdorur rrjetet sociale

Guvernatori Spencer Cox, i nënshkroi dy ligje të cilat kanë synim kufizimin e përdorimit të rrjeteve sociale nga të miturit.

Duke u bërë kështu shteti i parë në SHBA që kërkon leje prindërore për të gjithë personat nën moshën 18 vjeç.

Ky ligj ndalon përdorimin e platformave sociale sikur Instagram, TikTok dhe Facebook.

Ndikimi i mediave sociale tek fëmijët ka qenë objekt i një debati kombëtar në rritje në Shtetet e Bashkuara.

“Ne nuk jemi më të gatshëm të lejojmë që kompanitë e rrjeteve sociale të vazhdojnë të dëmtojnë shëndetin mendor të të rinjve tanë,” tha Cox, në Twitter.

Këto projektligje, të cilat kundërshtohen nga industria e teknologjisë, kërkojnë që të gjithë përdoruesit të dorëzojnë verifikimin e moshës përpara se të hapin një llogari.

Të miturit kenë nevojë për të marrë leje nga njëri prind.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.