Artisti amerikan, Usher solli një festë me shfaqjen e tij në pjesën e parë në “Super Bowl”.
Fituesi i çmimeve “Grammy”, dha performancën e tij në “Super Bowl” me një përzierje 13-minutëshe të hiteve të veta, përfshirë “Caught Up”, me të cilën edhe e nisi shfaqjen.
Ai u shfaq në skenë i shoqëruar nga dhjetëra kërcimtarë, vajza dhe akrobatë, seti mund të ishte quajtur “Cirque de Usher”, shkruan CNN, transmeton AlbanianPost.
Më pas performanca u pasua nga hitit “U Don’t Have to Call”, së bashku me një britmë drejtuar nënës së tij, përpara se Usher të kthente vëmendjen tek e ftuara speciale Alicia Keys, e cila nisi bashkë-interpretimin me këngën “If I Ain’t Got You”m në pas duke sjellë hitin “My Boo”.
Meqenëse nuk do të ishte një super shfaqje e Usher nëse nuk do të kishte ndonjë Atlanta aty, një nga producentët më të famshëm të atij qyteti, Jermaine Dupri prezantoi “Confessions”, të cilin artisti e vazhdoi me “Let It Burn” dhe “U Got It Bad”.
I zhytur në djersë, Usher hoqi këmishën e tij për disa minuta – më pas atij iu bashkua këngëtarja H.E.R. dhe bashkë dyshja dhanë një super shfaqje.
H.E.R, s’ishte e vetmja surprizë – Usher solli edhe hitin “Yeah” bashkë me rep artistin, Ludacris dhe rimat e tij të famshme e pikante.
Në nëntor, Usher kishte thënë se ka “punuar gjithë jetën e tij për të qenë në gjendje” të performonte në “Super Bowl”.
“Do të festoj shumë gjëra. Po festoj vendet ku kam shkuar. Unë po festoj frymëzimet. Unë jam duke festuar muzikën”, tha ai.
“Po festoj kërcimin. Unë jam duke festuar idenë e këtij momenti të rëndësishëm për të gjithë artistët që e kanë luajtur më parë dhe se si arritën të bashkojnë botën”, pati shtuar ai.
Usher preku gjithashtu këto tema gjatë ngjarjes për shtyp të mbajtur në Las Vegas në fillim të kësaj jave.
“Isha shumë i vetëdijshëm për të kaluarën time duke festuar të tashmen time, e cila është këtu në Las Vegas, dhe duke menduar se ku do të shkojmë në të ardhmen”, përfundoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
