Usher planifikon performancë të veçantë për “Super Bowl”, do të sjellë në skenë edhe kërcimtarë

Edicioni i ardhshëm i pjesës së parë në “Super Bowl”, pritet të jetë më i veçantë se kurrë, nisur nga fakti që ngjarja i është besuar këngëtarit dhe kërcimtarit, Usher Raymond.

Liga nacionale e futbollit amerikan (NFL) ka njoftuar se Usher do të jetë kryesuesi i shfaqjes së pjesës së parë në shfaqjen “Super Bowl” të vitit 2024 – por, një shqetësim i madh për yllin mund të jetë se si të sjellë një element të preferuar të performancave të tij – shtyllat striptiste.

Ylli i hitit “DJ Got Us Falling In Love”, përfshin rregullisht vallëzime ekzotike në performancat e veta, duke përfshirë edhe rezidencën e tij në Las Vegas, dhe kërcimtarët e ekipit të tij, madje janë njohur për “vjedhjen e shfaqjes”.

“Usher planifikon të ketë kërcimtarë me shtyllë – të veshur me shije, natyrisht si dhe kërcimtarë me patina”, tha një burim për përgatitjet e shfaqjes së pjesës së parë.

“Ai patjetër po e mban parasysh që fansat e tij më të rinj do ta shikojnë, por ai thjesht dëshiron të veçojë veten dhe të bëjë histori si një nga interpretuesit më të mëdhenj që ka dalë në skenën botërore”, shtuan ata.

Burime pranë tij kanë zbuluar, se Usher dëshiron të mbahet mend, ashtu siç sipas tyre, bënë edhe Beyonce, Rihanna, Prince e Michael Jackson.

“Beyonce, Rihanna, Dr. Dre, Prince dhe Michael Jackson kanë bërë momente të paharrueshme dhe tani që Usher po ngjitet në skenë që dëshiron të bëjë diçka ndryshe, të paharrueshme”, thanë burimet.

Por, shikuesit e “Super Bowl” nuk kanë qenë tolerantë ndaj materialeve të tilla në të kaluarën.

Më e famshmja, pati një lumë ankesash pasi Justin Timberlake ekspozoi gjoksin e Janet Jackson gjatë performancës së tyre në vitin 2004.

Gjithashtu, Usher ka njoftuar gjithashtu se albumi i tij i nëntë, “Coming Home”, do të publikohet në “Super Bowl” – i pari album që prej vitit 2016 “Hard II Love”.

“Është një nder i jetës që më në fund të kontrolloj një performancë të ‘Super Bowl’ nga lista ime. Mezi pres t’i sjell botës një shfaqje ndryshe nga çdo gjë tjetër që ata kanë parë nga unë më parë. Faleminderit fansave dhe të gjithëve që e bënë këtë mundësi. Do të shihemi së shpejti”, ka thënë Usher në një deklaratë.

“Super Bowl LVII” do të zhvillohet më 11 shkurt në Las Vegas.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.