Ultimatum s’ka, por s’ka as integrim evropian pa marrëveshje mes Kosovë dhe Serbisë – Viola von Cramon për propozimin franko-gjerman
Raportuesja për Kosovën në Parlamentin Evropian, Viola von Cramon, ka deklaruar se propozimi evropian (i njohur si franko-gjerman), nuk përbën një ultimatum nga perëndimi për Kosovën dhe Serbinë, por një mundësi për përparim në dialog.
“Nuk ka pasur ultimatume”, tha Von Cramon në një intervistë për gazetën serbe Vreme.
Në përgjigjen e saj, euro-deputetja po i përgjigjej komentit të presidenti serb Aleksandër Vuçiç, i cili pas takimit me top-pesë diplomatët perëndimorë deklaroi se Serbisë tashmë i është vënë një ultimatum për ta pranuar propozimin.
“Të jeni të sigurt se ne nuk jemi këtu për të lëshuar ultimatume. Përfaqësuesit perëndimorë kanë ardhur me mirëbesim për të nisur gjërat dhe për t’i ofruar Serbisë dhe Kosovës një rrugë përpara”, tha deputetja gjermane e Parlamentit Evropian.
Duke theksuar se dialogu i Brukselit ka 12 vjet që vazhdon, ajo deklaroi se bisedimet duhet të vazhdojnë “për thelbin, atë që është në diskutim në planin e BE-së”.
“Është e qartë se të gjithë në Serbi e dinë se pa një marrëveshje për Kosovën nuk do të ketë integrim në BE. Integrimi evropian nuk do të përparojë nëse marrëveshja dështon – kjo është e qartë”, tha Von Cramon.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gazetarja serbe: Vuçiç s’e thotë të vërtetën – Kosova është shtet i pavarur
-
Kurti për doganierin e EULEX-it të vrarë në Veri: U qëllua me gjakftohtësi
-
“Përndjekje ndaj simbolit tonë kombëtar”, Mustafi dënohet nga Serbia për ngritjen e flamurit shqiptar
-
Ish-diplomati serb: Kosova histori e mbyllur, Vuçiçi po e dorëzon
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi