Burimet ukrainase kanë treguar se mijëra trupa janë angazhuar në inkursionin e saj në provincën Kursk të Rusisë, ndërsa Moska dhe Kievi shkëmbyen akuza për një zjarr në termocentralin e okupuar të Zaporizhzhia, 250 milje në jug.
Një zyrtar ukrainas i sigurisë i tha “Agence France-Presse” se qëllimi i inkursionit ishte destabilizimi i Rusisë dhe shtrëngimi i forcave ruse me sulme të lehta dhe të shpejta.
Mbetet e paqartë se sa i qëndrueshëm do të jetë operacioni në afat të mesëm, mes kërcënimeve të Kremlinit se do të shuhet duke përdorur rezervat ruse.
Rusia kishte sugjeruar se disa qindra trupa ukrainase kishin nisur një sulm të befasishëm të martën, por zyrtari ukrainas tha se numrat ishin më të mëdhenj.
I pyetur nëse më shumë se 1 mijë ushtarë ukrainas ishin të përfshirë, zyrtari tha: “Është shumë më tepër … mijëra”.
Disa brigada ukrainase thuhet se janë përfshirë në operacion, sipas një sërë burimesh.
Kievi e kapi Rusinë në befasi duke goditur një sektor të mbrojtur lehtë të frontit që nuk kishte pasur asnjë luftim domethënës që nga pranvera e 2022 – dhe depërtoi mbrojtjen e kufizuar kufitare.
“Ne jemi në ofensivë. Qëllimi është të zgjerohen pozicionet e armikut, të shkaktohen humbje maksimale dhe të destabilizohet situata në Rusi pasi ata nuk janë në gjendje të mbrojnë kufirin e tyre”, tha zyrtari i sigurisë në kushte anonimiteti.
Më vonë të dielën, presidenti i Ukrainës, Volodymyr Zelensky, tha se Rusia kishte nisur gati 2 mijë sulme ndërkufitare në rajonin Sumy të Ukrainës nga rajoni i Kurskut këtë verë dhe se sulme të tilla meritonin një përgjigje ukrainase.
“Artileri, mortaja, drone. Ne gjithashtu regjistrojmë sulme me raketa dhe çdo sulm i tillë meriton një përgjigje të drejtë”, tha udhëheqësi ukrainas në fjalimin e tij të natës.
Blogerët ushtarakë rusë thonë se luftimet po zhvillohen deri në 20 km në thellësi brenda rajonit të Kursk.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
