![](https://albanianpost.com/wp-content/uploads/2023/07/Screenshot-2023-07-29-092500.jpg)
Parlamenti i Ukrainës (Rada e Verkhovna) i bëri thirrje UNESCO-s që të revokojë anëtarësimin e Rusisë në organizatë.
Parlamenti i Kievit i bëri thirrje gjithashtu UNESCO-s që të dërgojë urgjentisht një mision në Ukrainë për të vlerësuar dëmet e shkaktuara nga sulmet ruse në vendet e trashëgimisë botërore në Lviv dhe Odesa, raporton agjencia ukrainase TSN.
Apeli iu dërgua parlamenteve dhe qeverive të vendeve anëtare të UNESCO-s, tha deputeti Jaroslav Železnjak.
“Parlamenti i bëri thirrje UNESCO-s, parlamenteve dhe qeverive të shteteve anëtare lidhur me domosdoshmërinë e revokimit të anëtarësimit të Federatës Ruse në atë organizatë”, tha ai dhe shtoi se për këtë vendim votuan 296 deputetë.
Parlamenti ukrainas u bëri thirrje gjithashtu parlamenteve dhe qeverive të vendeve të huaja që të marrin të gjitha masat e mundshme për të hetuar krimet, për t’i mbajtur ata përgjegjës dhe për të siguruar dënimin e drejtë të të gjithë autorëve brenda juridiksioneve kombëtare dhe ndërkombëtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com