Ukraina e përshkruan gatishmërinë e Hungarisë për të paguar gazin rus në rubla si një “akt jomiqësor”
Ministria e Jashtme e Ukrainës ka thënë këtë mëngjes se e konsideron si “akt jomiqësor” gatishmërinë e Hungarisë për të paguar gazin rus në rubla.
Ukraina tha gjithashtu se qëndrimi i Hungarisë mbi akuzat për mizoritë ruse forcon ndjenjën e mosndëshkimit të Rusisë dhe inkurajon këtë të fundit “të kryejë mizori të reja kundër ukrainasve”.
Zëdhënësi i Ministrisë së Jashtme të Ukrainës, Oleg Nikolenko tha se “nëse Hungaria dëshiron vërtet të ndihmojë në përfundimin e luftës duhet të ndaloni shkatërrimin e unitetit në BE, mbështesni sanksionet e reja anti-ruse, ofroni ndihmë ushtarake për Ukrainën dhe mos krijoni burime shtesë financimi për makinën ushtarake të Rusisë”.
Ai theksoi se nuk është kurrë vonë për të hyrë në anën e duhur të historisë.
Nga ana e tyre, ministri i Jashtëm i Hungarisë, Péter Szijjártó, ka konfirmuar se karburanti për termocentralet bërthamore të Hungarisë ka mbërritur nga ajri nga Rusia. Sulmi rus në Ukrainë i ka bërë të pamundura dërgesat me hekurudhë.
Ai ka ritheksuar se Hungaria nuk i mbështet propozimet për sanksione evropiane për energjinë kundër Rusisë. Gjithashtu shtoi se vendosja e çdo sanksioni mbi aktivitetet që lidhen me energjinë bërthamore do të ishte gjithashtu një “vijë e kuqe” për Hungarinë.
Ka pasur një tension në rritje mes Hungarisë dhe Ukrainës ditët e fundit.
Viktor Orbán e përshkroi presidentin e Ukrainës, Volodymyr Zelensky si një nga armiqtë që ai “e mbifuqizoi” me fitoren e tij zgjedhore në fundjavë. Nga ana e tij, Zelensky tha se Orbán ishte i frikësuar nga Moska dhe duhej të zgjidhte midis Rusisë dhe “botës tjetër”.
Të dy vendet ndajnë rreth 135 km (85 milje) kufi, afërsisht duke ndjekur lumin Tiza në perëndim të Ukrainës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Edhe Britania e do Asociacioni sa më shpejt që të jetë e mundur
-
Foshnja Sabreen – simbol i shpresës në Gaza – nuk ia doli
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Ish-ministri britanik i Mbrojtjes thotë se Scholz duhet të dërgojë Taurus-ët në Kiev menjëherë
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE