Tashmë, ato janë kthyer në hekurishte të ndryshkura, tërësisht të shkatërruara, por për një punë shërbejnë.

Në qendër të Kievit, janë ekspozuar tanket e shkatërruara ruse, përgjatë gjithë luftës në Ukrainë, si një dëshmi e dështimit të Vladimir Putinit, për të marrë kryeqytetin ukrainas.

Video të shumta kanë qarkulluar në media sociale të shtunën e 20 gushtit, ku shihen “parada” e pazakontë e mjeteve ushtarake të ndryshkura dhe mijëra njerëz, të cilët i fotografojnë apo regjistrojnë në video “dështimet ruse”.

“Në shkurt, rusët po planifikonin të bënin paradë në Kiev”, shkruhet në një postim në Twitter të Forcave Ushtarake të Ukrainës. “Pas gjashtë muajsh, kjo ekspozitë e turpshme e hekurishteve të ndryshkura ruse, është një kujtesë ndaj çdo diktatori se si planet e tyre, mund të shkatërrohen nga një komb i kurajshëm”.

In February, russians were planning a parade in downtown Kyiv.
6 months into the large-scale war the shameful display of rusty russian metal is a reminder to all dictators how their plans may be ruined by a free and courageous nation.#FreedomIsOurReligion
🎥 @zaklyashtor pic.twitter.com/H1fbw2UaSS

— Defense of Ukraine (@DefenceU) August 20, 2022

Bujë kanë bërë videot dhe fotografitë edhe në media sociale, duke shpalosur komente të panumërta kundër Kremlinit dhe duke treguar mbështetjen e pakushtëzuar kundrejt Ukrainës.

E gjithë ngjarja, është parë si një festë e lirisë në Kiev, për të treguar vullnetin e popullit ukrainas për liri dhe sovranitet.