Tyson Fury pretendon se ka marrë një “ofertë” sensacionale nga UFC për të hyrë në kafaz për një përplasje ndërdisiplinore me kampionin e peshave të rënda, Jon Jones.
Boksieri nga Wythenshawe po përgatitet për t’u rikthyer në ring kundër ish-mbretit të MMA Francis Ngannou në një përballje saudite më 28 tetor.
Fury, 35 vjeç, u përfshi në një grindje publike me Jones, ish-yllin MMA-së, përpara caktimit të duelit të tij me 10 raunde përballë Ngannou.
Shefi i UFC-së, Dana White e promovoi publikisht përplasjen mes Fury dhe Jones.
Britaniku i pamposhtur i tha “SunSport” në një intervistë ekskluzive: “Kjo është 100 për qind e vërtetë (që kam marrë një ofertë për të luftuar Jones)”.
“Unë kam pasur një ofertë nga UFC, nga (WME) IMG, për të luftuar Jon Jones”, shtoi Fury.
Fury ka marrë kritika për perballjen me nje fillestar në boks si Ngannou. Por kjo nuk do ta pengojë atë të hyjë në botën e rrezikshme të arteve marciale të përziera nëse oferta e UFC-së do të jetë ende në tryezë pas ndeshjes së tij në shkretëtirë me Ngannou.
Ish-kampioni i unifikuar i peshave të rënda tha: “Frank Warren e di për këtë, ekipi im e di për të. Është ende në vazhdim dhe ne po kërkojmë të ecim përpara me siguri”.
Fury dhe Jones madje shkonin përpara dhe me njëri-tjetrin përmes mesazheve për të provuar përballjen.
“Unë dhe Jon madje kemi folur për këtë”, tha Fury. “Është padyshim një gjë e vërtetë”.
Një përplasje e mundshme mes Fury-t dhe Jones u bë temë kryesore e botës së sporteve luftarake në maj, pasi komentatori i UFC-së, Joe Rogan, përjashtoi shanset e Fury-t në një ndeshje me Jones.
Fury reagoi me zemërim ndaj këtij nocioni, duke thënë në një nga tregimet e tij të shumta në Instagram: “Ja një mendim. Po për këtë? Po të luftoj me Jon Jones dhe Francis Ngannou në të njëjtën natë? Po kjo? Ja sa i vlerësoj ata dy budallenj. Çohuni! Le të shkojmë, djema”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zhegrova reagon pas “përjashtimit” nga kombëtarja e Kosovës: Do të flas në fushë… së shpejti
-
Stadiumi “Air Albania” plot, shiten të gjitha biletat për sfidën e Kombëtares me Gjeorgjinë
-
Përjashtohen nga grumbullimi Zhegrova, Muric e Muslija – “thyen rregulloren”
-
Nations League/ Kombëtarja stërvitet në Pragë, nis përgatitjet për ndeshjen me Gjeorgjinë
Lajmet kryesore
-
Ekskluzive: Albin Kurti në tavolinë me Goran Vasiljeviç, të dyshuarin si bashkëpunëtor i BIA-s – i njëjti është punësuar edhe në Ministri te Liburn Aliu
-
Emrat e kundërshtarëve, Berisha: 12 drejtuesit e PD-së nuk kanë krahasim
-
Vizioni apokaliptik i Qeverisë izraelite: Shndërrimi i Bregut Perëndimor në Gaza
-
Osmani: Jemi njoftuar se disa shtete kanë kërkuar të mos hiqen masat ndaj Kosovës
