Tweet-i i parë “që të vjen në mendje”

Twitter është medium social që gjeneron statuse, fotografi, video, debate, replika por nuk para të gjezdis të lexosh tweet-in e parë që të vjen në mendje.

Protagonist i kësaj situate ishte Philip O’Keefe, një 62-vjeçar nga Australia i diagnostikuar me sklerozë laterale amiotrofike (ALS) – sëmundja e Stephen Hawking që shkakton paralizë.

Tanimë ai është në gjendje të komunikojë mendimet me të tjerët pa përfshirë aktivitetin e muskujve.

Të enjten, ai publikoi një postim në mediat sociale “duke përdorur vetëm mendimin e drejtpërdrejtë”.

Njoftimin e bëri pikërisht kompania që ia bëri të mundur këtë, Synchron.

no need for keystrokes or voices. I created this tweet just by thinking it. #helloworldbci

— Thomas Oxley (@tomoxl) December 23, 2021

“E krijova këtë tweet vetëm duke e menduar”, shkruhet në statusin e postuar nga CEO i Synchron, Thomas Oxley.

Sipas kompanisë, ‘tweet-i i parë me mendim të drejtpërdrejtë’ u krijua me valë nga truri i O’Keefe.

Pas paralizës progresive të shkaktuar nga ALS-ja, australiani kishte një ndërfaqe kompjuteri të quajtur “Stentrode” të instaluar në trurin e tij.

Implanti, “i projektuar për t’u mundësuar pacientëve të kontrollojnë pa tel pajisjet digjitale përmes mendimit”, u fut përmes venës jugulare për të shmangur shpimin në kafkë.

“Tani, unë thjesht mendoj se ku dua të klikoj në kompjuter dhe mund të dërgoj e-mail, të blej dhe tani t’i dërgoj mesazhe botës përmes Twitter”, citoi kompania nga mendimet e O’Keefe.

Sipas tij, sistemi “surprizues” kërkon praktikë – si të mësosh të ngasësh një biçikletë – “por sapo ia merr dorën, të vjen natyrshëm”.

Burri, megjithë paralizën e dobët, tani është në gjendje të angazhohet në aktivitete të pavarura dhe të rilidhet me botën, pretendon Synchron.

Kompania planifikon të zhvillojë më tej ndërfaqen e kompjuterit të trurit në një studim njerëzor në Shtetet e Bashkuara vitin e ardhshëm.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.