Rajoni

Turqia akuzon ushtrinë greke se ka qëlluar drejt një anijeje kërkimore


Anija kërkimore turke “TCG Cesme”, Reuters

Qeveria turke akuzoi të martën ushtrinë greke për ngacmimin e një anijeje kërkimore turke në Detin Egje.

Ankaraja deklaroi se u përgjigj ndaj sulmit, megjithatë nuk shpjegoi në çfarë mënyre dhe kur ndodhi incidenti në Egje.

Anatolia ka raportuar se katër avionë luftarakë grekë F-16 fluturuan mbi anijen “TCG Cesme” në jug të ishullit grek të Lemnos dhe një prej avionëve lëshoi ​​një raketë sinjali 3.7 kilometra larg anijes.

“Ishte një akt ngacmimi, të cilin fqinjët tanë grekë shpesh e bëjnë. Ne iu përgjigjëm atyre në një mënyrë adekuate, në përputhje me rregullat,” tha Ministri turk i Mbrojtjes Hulusi Akar.

Asnjë koment nuk është marrë nga Greqia deri më tani.

“Turqia dërgoi “TCG Cesme” në ujërat ndërkombëtare të Egjeut, për të bërë kërkime hidrografike deri në 2 mars. Greqia e quajti aktin një provokim”, sipas agjencive turke të lajmeve.

Albanianpost.com


Lajmet kryesore