Trump pritet të shpallë fushatën e vitit 2024 para fundit të nëntorit

Ish-presidenti amerikan Donald Trump pritet të shpallë një fushatë të tretë për Shtëpinë e Bardhë përpara fundit të nëntorit.

Kjo, pasi të dërguarit kanë filluar në heshtje të përgatisin bazën për një operacion agresiv në terren.

Lajmi u bë i ditur nga gazeta britanike “The Guardian”, duke cituar njerëz të njohur me këtë çështje.

Lëvizja do e vinte Trump në qendër të vëmendjes përpara zgjedhjeve afatmesme të së martës.

Planet për një fushatë të mundshme të vitit 2024 kanë filluar të përshpejtohen javët e fundit.

Ish-presidenti dhe këshilltarët e tij kanë sinjalizuar se një njoftim është i afërt.

Ai synon të përfitojë nga pozicioni i tij si kryesuesi i qartë për të kapur nominimin e Republikanëve.

Trump ka treguar se dëshiron të nisë fushatën e tij të fundit presidenciale rreth 14 nëntorit.

Data, e raportuar më herët nga Axios, nuk është përfundimtare dhe pjesërisht varet nga performanca e GOP-it në terma afatmesëm.

Por Trump ka qenë i etur për të filluar një fushatë të vitit 2024 pjesërisht sepse ai beson se kjo mund ta mbrojë atë nga intensifikimi i hetimeve penale nga departamenti i drejtësisë amerikane.