Tottenham refuzon menjëherë ofertën e Bayern-it për Kane

Bayern Munich është njëra nga skuadrat e shumta evropiane që dëshiron ta transferojë sulmuesin e Tottenham-it, Harry Kane.

Kampionët e Gjermanisë e kanë dërguar një ofertë zyrtare te Tottenham-i për shërbimet e sulmuesit anglez, por duket që ajo është refuzuar menjëherë.

Sipas asaj që shkruan gazetari i njohur italian, Fabrizio Romano, duke cituar “TheAthletic”, anglezët i kanë thënë “Jo” ofertës së Bayern-it e cila ishte 70 milionë euro plus shtesa për sulmuesin më të mirë në historinë e kombëtares angleze.

FC Bayern have submitted an official bid for Harry Kane. Fixed fee close to €70m plus add-ons, not enough to convince Tottenham. It was rejected 🚨⚪️🔴 #FCBayern

Official proposal was sent today, as first called by @David_Ornstein.

Spurs won’t accept that kind of fee for Kane. pic.twitter.com/QN2yZ9SKVB

— Fabrizio Romano (@FabrizioRomano) June 27, 2023

Thuhet se presidenti i klubit të Tottenham-it, Daniel Levy, nuk dëshiron të dëgjojë asnjë ofertë për sulmuesin e tij, pasi që ai duket i bindur se do ta mbajë Kane-n në skuadër.

Kujtojmë që për shërbimet e 29-vjeçarit janë të interesuar edhe Manchester United dhe Real Madrid.

Mbetet të shihet se a do të privohen Spurs nga shërbimet e kapitenit të tyre, apo ai do të mbetet akoma në Londër.

Kujtojmë që Kane ka kontratë aktive me klubin deri në verën e ardhshme, që do të thotë se ai mund të largohet me parametra zero kur t’i skadojë kontrata.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.