Futbollisti kuqezi, Kristjan Asllani, ka edhe një mundësi për “ta treguar veten” me fanellën e Inter-it, teksa me shumë gjasë do t’i ofrohet vendi i titullarit në ndeshjet e ardhshme.
Kjo pasi që mesfushori turk i zikaltërve, Hakan Calhanoglu, ka pësuar një dëmtim që do ta mbajë larg fushave për rreth një muaj.
Calhanoglu me sa duket pësoi një lëndim muskulor ndërsa ishte në detyrë ndërkombëtare.
29-vjeçari u detyrua të largohej nga fusha në minutën e 38-të të ndeshjes kualifikuese të Turqisë për Euro 2024 me Kroacinë, të cilën e humbën me rezultat 2:0.
Pas ndeshjes, trajneri Stefan Kuntz konfirmoi se Calhanoglu kishte pësuar “një problem me ijë” dhe “me siguri do t’i nënshtrohej një skanimi”, duke sugjeruar se ai do të jetë jashtë fushës për disa javë.
Gianluca Di Marzio detajon se si Calhanoglu do t’i nënshtrohet një raundi testesh mjekësore në Inter dhe ka frikë se ai mund të detyrohet të largohet nga fusha për rreth 20 ditë.
Zikaltrit do të përballen me Benfica-n në ndeshjen e parë të çerekfinales së Ligës së Kampionëve më 11 prill, duke e vënë në dyshim mesfushorin turk për ndeshjen.
Ndërsa, dy ndeshjet në Serie A me Fiorentina-n dhe Salernitana-n, si dhe ndeshja e parë gjysmëfinale në Kupën e Italisë ndaj Juventus-it, me siguri që do të jenë të humbura nga mesfushori turk.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com